વિંગ કમાન્ડર અભિનંદન શ્રીનગરમાં પોતાની સ્કવોડ્રન સાથે જોડાયા

નવી દિલ્હી,તા.27.માર્ચ 2019, બુધવાર

પાકિસ્તાની વાયુસેનાનુ એફ-16 તોડી પાડનારા ભારતીય વાયુસેનાના જાંબાઝ પાયલોટ વિંગ કમાન્ડર અભિનંદન શ્રીનગર સ્થિત પોતાની સ્કવોડ્રનમાં પાછા ફર્યા છે.

સૂત્રોના કહેવા પ્રમાણે હાલમાં પણ તેઓ ચાર સપ્તાહ સુધી મેડિકલ લીવ પર છે.આ સંજોગોમાં તેઓ ચેન્નાઈ સ્થિત પોતાના ઘરે જઈ શક્યા હોત પણ તેમણે શ્રીનગર ખાતે સ્થિત પોતાની સ્કવોડ્રન સાથે જોડાવાનુ નક્કી કર્યુ હતુ.

ચાર સપ્તાહની રજા પુરી થયા બાદ મેડિકલ બોર્ડ ફરી તેમની ફિટનેસની સમીક્ષા કરશે અને વાયુસેનાના ટોચના અધિકારીઓ નક્કી કરશે કે અભિનંદન લડાકુ વિમાનની કોકપીટમાં પાછા ફરશે કે નહી.

ઉલ્લેખનીય છે કે અભિનંદનનુ મિગ-21 પણ ક્રેશ થયુ હતુ અને તેઓ પાક સીમામાં ઉતર્યા બાદ તેમને બંદી બનાવાયા હતા.જોકે બે જ દિવસમાં પાકિસ્તાનને અભિનંદનને મુક્ત કરવાની ફરજ પડી હતી.

from National News - Gujarat Samachar : World's Leading Gujarati Newspaper https://ift.tt/2UZsXgW
via Latest Gujarati News