'હિંદી મીડિયમ 'ની સિકવલમાં કરીના કપૂર ખાખી વર્દીમાં દેખાય તેવી શક્યતા

(પ્રતિનિધિ દ્વારા)       મુંબઇ, તા.30 માર્ચ 2019,શનિવાર

કરીના કપૂર ખાન હાલ અક્ષય કુમાર સાથેની  ' ગુડ ન્યુઝ ફિલ્મનું શૂટિંગ કરી રહી છે. ત્યાર પછી તે ઇરફાન ખાન અભિનિત 'હિંદી મીડિયમ ' ફિલ્મની  સિકવલમાં કામ કરવાની કરે  છે, તેવી ચર્ચા છે. કરીના જલદી જ આ  ફિલ્મનું શૂટિંગ લંડનમાં શરૂ કરે તેવી શક્યતા છે. 

સૂત્રની વાત સાચી માનીએ  તો કરીના કપૂર ખાન આ ફિલ્મમાં  કેમિયોમાં  જોવા મળશે. જોકે વાત એવી પણ છે કે, કરીના આ ફિલ્મમાં મહિલા પોલીસની ભૂમિકા ભજવશે જે મહત્વનું પાત્ર હશે. સૂત્રના  જણાવ્યા પ્રમાણ ે આ ફિલ્મનું શૂટિંગ એપ્રિલમાં વિદેશમાં શરૂ થવાનું છે.

કરીના આ શૂટિંગમાં મ ે માસમાં  જોડાય તેવી શક્યતા છે. કરીના  પોતાની ૧૯ વરસની કારકિર્દીમાં  પ્રથમ વખત  પોલીસની ભૂમિકા ભજવશે.  ' હિંદી મીડિયમ' સિકવલનું નામ હવે 'ઇગ્લિશ મીડિયમ' રાખવામાં આવ્યું છે. આ ફિલ્મની વાર્તા હવે વિદેશમાં  આગળ વધવાની છે, તેથી નિર્માતા-દિગ્દર્શકે  આ ફિલ્મના શિર્ષકમાં બદલાવ કર્યો છે. 

from Entertainment News - Gujarat Samachar : World's Leading Gujarati Newspaper https://ift.tt/2HXrlAF
via Latest Gujarati News