મિશેલ યેઓહ્ અવતારની સિક્વલમાં ચમકશે

લોસ એંજલ્સ તા. 17 એપ્રિલ 2019, બુધવાર

હોલિવૂડના માતબર ફિલ્મ સર્જક જેમ્સ કેમેરોનની સુપરહિટ ફિલ્મ અવતારની સિક્વલ માટે મલયેશિયન અભિનેત્રી મિશેલ યેઓહને સાઇન કરવામાં આવી હોવાના અહેવાલ પ્રગટ થયા હતા.

મિશેલ અગાઉ જેમ્સ બોન્ડ ફ્રેન્ચાઇઝીની ટુમોરો નેવર ડાય્ઝ ઉપરાંત ટીવી શો સ્ટાર ટ્રેક અને ગયા વરસે રિલિઝ થયેલો હિટ ટીવી શો ધ રીચ ક્રેઝી એશિયન્સ કરી ચૂકી છે.

વેરાયટી ડૉટ કોમના એક અહેવાલ મુજબ જેમ્સ કેમેરોનની અવતારની સિક્વલમાં મિશેલ વિજ્ઞાાની ડૉક્ટર કરીના મોગ્યુનો રોલ કરશે. જેમ્સ કેમેરોને કહ્યું કે મિશેલે પોતાની અભિનય કારકિર્દીમાં સતત વૈવિધ્ય પીરસ્યું છે. મેં એને એની પ્રતિભાના જોરે સાઇન કરી છે.

અવતારની પહેલી સિક્વલ અવતાર ટુ 2020 ના ડિસેંબરમાં રજૂ થવાની છે. 

અત્યાર અગાઉ સામ વર્ધીંગ્ટન, ઝો સલ્ધાના, જ્યોવાન રિબિસી, જોયેલ ડેવિડ મૂર દિલીપ રાવ અને સીસીએચ પૌંડર સાઇન થઇ ચૂક્યા છે અને પોતાના મૂળ ફિલ્મના રોલ્સ કરવાના છે.

from Entertainment News - Gujarat Samachar : World's Leading Gujarati Newspaper http://bit.ly/2V5V9lx
via Latest Gujarati News