લેટ હિમ ગોની સ્ટાર કાસ્ટમાં લેસ્લી મેનવીલે જોડાઇ

લોસ એંજલ્સ તા. 17 એપ્રિલ 2019, બુધવાર

બીગ એડન અને ધ ફેમિલી સ્ટોન ફેમ ફિલ્મ સર્જક થોમસ બેઝુખાની આગામી એક્શન થ્રીલર ફિલ્મ લેટ હિમ ગોમાં અભિનેત્રી લેસ્લી મેનવીલે જોડાઇ હોવાના અહેવાલ પ્રગટ થયા હતા.

વેરાયટી ડૉટ કોમના એક અહેવાલ મુજબ વોટ્સનની નવલકથા પરથી થેામસ બેઝુખાએ પોતે સ્ક્રીનપ્લે તૈયાર કર્યો છે. આ ફિલ્મની સ્ટોરી લાઇન કંઇક આ પ્રકારની છે. નિવૃત્ત શેરીફ જ્યોર્જ બ્લેકલેજ અને એનાં પત્ની માર્ગારેટ પોતાના પ્રપૌત્રને ભયજનક પારિવારિક વાતાવરણથી ઊગારવા મોન્ટાના રાન્ચમાં જવા નીકળે છે જ્યાં માતૃપ્રધાન પરિવારમાં બ્લાન્ચી વેબોય  (લેસ્લી મેનવીલે)ની આણ પ્રવર્તે છે. બ્લેકલેજ અને એની પત્ની માને છે કે બ્લાન્ચી એમના પ્રપૌત્રના ભાવિ પર પ્રતિકૂળ અસર કરશે.

from Entertainment News - Gujarat Samachar : World's Leading Gujarati Newspaper http://bit.ly/2KYKfdF
via Latest Gujarati News