આલિયા ભટ્ટ અને અજય દેવગણની દક્ષિણની ફિલ્મમાં શ્રદ્ધા કપૂર પણ કામ કરે તેવી શક્યતા

મુંબઇ,તા. 16 એપ્રિલ 2019, મંગળવાર

રામ ચરણ તેજા અને જુનિયર એનટીઆરની ફિલ્મ 'ટ્રિપલ આર'માં અજય દેવગણ અને આલિયા ભટ્ટ ઉપરાંત એક વધુ બોલીવૂડની હિરોઇન કામ કરે તેવી શક્યતા છે. ફિલ્મસર્જકની યાદીમાં શ્રદ્ધા કપૂરનું નામ પહેલું છે તેવી ચર્ચા છે.  થોડા સમય પહેલા એવી વાત હતી કે ફિલ્મમાંથી ડેઝી દૂર થઇ ગઇ છે. તે બ્રિટિશ મોડલ અને એકટર છે પરંતુ ફિલ્મસર્જકે તેને ફિલ્મમાંથી દૂર કરી છે. હવે  જુનિયર એનટીઆરની ઓપોઝિટ માટે એક અભિનેત્રીની જરૂર છે. તેથી ફિલ્મની વધુ એક લીડ અભિનેત્રીની શોધ થઇ રહી છે. 

એકસૂત્રના જણાવ્યા પ્રમાણે, ફિલ્મસર્જક ડેઝીના સ્થાને શ્રદ્ધા કપૂરને લેવા ઇચ્છે છે. શ્રદ્ધા દક્ષિણની ફિલ્મ ઇન્ડસ્ટ્રીમાં જાણીતું નામ છે. આ પહેલા પણ તેણે પ્રભાસ સાથે કામ કર્યું છે. તેથી મેકર્સને ડેઝીના સ્થાને શ્રદ્ધા જ યોગ્ય લાગી રહી છે. જોકે હજી સુધી સત્તાવાર ઘોષણા કરવામાં આવી નથી. પરંતુ હિરોઇનનો યાદીમાં શ્રદ્ધાનું નામ પહેલું હોવાની વાત છે. 

શ્રદ્ધા સિવાય મેકર્સ પરિણિતિના નામ પર પણ વિચાર કરી રહ્યો છે. રામ ચરણ તેજા સાથે પરિણિતિને લેવાની વાત હતી, પરંતુ તે સ્થાને આલિયા ગોઠવાઇ ગઇ, તેથી ફરી પરિણિતિનું નામ બોલાઇ રહ્યું છે. 

from Entertainment News - Gujarat Samachar : World's Leading Gujarati Newspaper http://bit.ly/2Iyr47k
via Latest Gujarati News