શાહરૂખ ખાનની ફિલ્મોના સેટેલાઇટસ હક્ક કરોડોમાં વેચાયાની વાત

(પ્રતિનિધિ દ્વારા) મુંબઇ,તા. 11 એપ્રિલ 2019, ગુરુવાર

કહેવાય છે કે, બોલીવૂડની ફિલ્મોને લઇને અત્યાર સુધીમાં સૌથી મોટી સેટલાઇટ ડીલ થઇ છે. જોકે હજી સત્તાવાર ઘોષણા કરવામાં આવી નથી.પરંતુ વાત એવી પણ છે કે આમાં ડીલમાંથી એક મોટો હિસ્સો શાહરૂખ ખાનને પણ મળશે.

શાહરૂખ ખાનની ફિલ્મો ભલે બોક્સ ઓફિસ પર સારું કમાણી કરતી નથી, પરંતુ ટચૂકડા પડદે તેની  ડિમાન્ડ ઘણી છે. ટેલિવિઝન પર જબરદસ્ત ટીઆરપી મેળવતી હોય છે. તેથી શાહરૂખની ફિલ્મોના સેટેલાઇટ રાઇટસ ખરીદવાની સ્પર્ધા થતી હોય છે. આ દરમિયાન એક એવા સમાચાર છે કે, શાહરૂખની ૨૨ ફિલ્મોના સેટેલાઇટસ રાઇટસ ખરીદવામાં આવ્યા છે. જેમાં 'સ્વદેશ, ઓમ શાંતિ ઓમ, દિલવાલે , ફિર ભી દિલ હૈ હિંદુસ્તાની, ચેન્નઇ એકસપ્રેસ, હેપ્પી ન્યુ ઇયર, ડિયર જિંદગી ' જેવી ફિલ્મો સામેલ છે. 

ચર્ચા તો એવી પણ થઇ રહી છે કે, બોલીવૂડની ફિલ્મોને લઇને ટચૂકા પડદાની ઐ સૌથી મોટી ડીલ છે. જોકે આ સોદો કેટલમાં થયો તે હજી જાણવા મળ્યું નથી. પરંતુ કહેવાય છે કે, તગડી રકમ ચુકવવામાં આવી છે. આ સોદાનો એક મોટો હિસ્સો શાહરૂખને પણ મળશે. 

from Entertainment News - Gujarat Samachar : World's Leading Gujarati Newspaper http://bit.ly/2GdNuYK
via Latest Gujarati News