ભાજપ બે ભોજપુરી સ્ટારને ચૂંટણી જંગમાં ઉતારે તેવા એંધાણ

નવી દિલ્હી, તા. 27 માર્ચ 2019 બુધવાર

બૉલીવુડ અને ભોજપુરી ફિલ્મોના અભિનેતા રવિ કિશન હવે રાજકારણમાં ઝંપલાવવા તૈયાર છે. રવિ કિશને બુધવારે આ વાતનું એલાન કરતા કહ્યુ કે તેઓ આ લોકસભા ચૂંટણી લડશે પરંતુ કઈ બેઠક પર, તે પાર્ટી નક્કી કરશે. 

કેટલાક દિવસ પહેલા રવિ કિશને કહ્યુ હતુ કે આ વખતે પણ મોદી સરકાર જ ચૂંટણી જીતશે અને 56 ઈંચની છાતીવાળી આ વ્યક્તિ ફરીથી વડાપ્રધાન બનશે. રવિ કિશને આ વીડિયોમાં વડાપ્રધાન મોદીના વખાણ કરતા કહ્યુ કે દેશના પહેલા આવા વડાપ્રધાન છે જે 130 અરબની જનતા માટે ચોકીદાર બન્યા છે. તેમનું વ્યક્તિત્વ અદ્ભુત છે. મોદીજી દેશના પહેલા એવા વડાપ્રધાન છે, જેમની પર કોઈપણ પ્રકારનો આરોપ લાગ્યો નથી. તેમણે કહ્યુ કે 2019 ચૂંટણીમાં પણ મોદીજીની સરકાર આવશે. 

રવિ કિશન સિવાય ભોજપુરી સ્ટાર નિરહુઆ એટલે કે દિનેશ લાલ યાદવે યોગી આદિત્યનાથની હાજરીમાં ભાજપમાં જોડાયા કર્યુ છે. આ અવસરે નિરહુઆની સાથે તેમના કેટલાક સાથી પણ હાજર છે પરંતુ એ સામે આવ્યુ નથી કે નિરહુઆ લોકસભા ચૂંટણીમાં કઈ બેઠક પરથી ઉમેદવાર હશે? અથવા ફરી તે ચૂંટણીમાં ઉભા રહેશે કે નહીં. અત્યારે આ પ્રકારનું કોઈપણ નિવેદન સામે આવ્યુ નથી. મીડિયા રિપોર્ટસની માનીએ તો રવિ કિશને ગોરખપુર અને નિરહુઆને આઝમગઢથી ચૂંટણી મેદાનમાં ઉતારવામાં આવી શકે છે. 

Ravi Kisan 

BJP

Lok Sabha Election 2019

Narendra Modi

from National News - Gujarat Samachar : World's Leading Gujarati Newspaper https://ift.tt/2UYTfQj
via Latest Gujarati News