ગિરિરાજસિંહ બેગૂસરાયથી જ ચૂંટણી લડશે: અમિત શાહ

પટના, તા. 27 માર્ચ 2019, બુધવાર

બિહારમમાં બેગૂસરાય લોકસભા સીટ છેલ્લા ઘણાં દિવસોથી ચર્ચામાં છે. ભારતીય જનતા પાર્ટીએ અહીંથી ગિરિરાજસિંહને મેદાને ઉતાર્યા છે. જો કે ગિરિરાજસિંહ આ સીટ પરથી ચૂંટણી લડવા નથી માંગતા ત્યારે આ વિવાદ વચ્ચે ભાજપના રાષ્ટ્રીય અધ્યક્ષ અમિત શાહે કહ્યું છે કે, ગિરિરાજસિંહ બેગૂસરાયથી જ ચૂંટણી લડશે.

અમિત શાહે ટ્વીટ કરી જણાવ્યું કે, ગિરિરાજ સિંહ બિહારના બેહગૂસરાયથી લોકસભાની ચૂંટણી લડશે. તેમની બાબતો મેં સાંભળી છે અને સંગઠન તેમની દરેક સમસ્યાઓનું સમાધાન કરશે. હું ચૂંટણી માટે તેમને શુભકામનાઓ આપું છું.

નોંધનીય છે કે, ગિરિરાજસિંહ નવાદાથી ચૂંટણી લડવા માગતા હતા. 2014માં તેઓ આ સીટ પરથી જ ચૂંટણી જીત્યા હતા,. જો કે ગઠબંધન હેઠળ આ સીટ ભાજપે JDUને આપી હતી. તેથી ભાજપ ગિરિરાજસિંહને નવાદાની જગ્યાએ બેગૂસરાયથી ચૂંટણી લડાવશે.

from National News - Gujarat Samachar : World's Leading Gujarati Newspaper https://ift.tt/2JI8jkf
via Latest Gujarati News