જોન અબ્રાહમ રૂપેરી પડદે નવા ધમાકાની તૈયારી કરી રહ્યો છે

(પ્રતિનિધિ દ્વારા) મુંબઇ,તા.  27 માર્ચ 2019, બુધવાર

જોન અબ્રાહમની એક વધુ ફિલ્મની વાત બહાર  આવી છે. જોકે ફિલ્મના શિર્ષક અંગે હજી નિર્ણય લેવામાં આવ્યો નથી. પરંતુ તે ફિલ્મનો પ્રથમ લુક બહાર પાડવામાં આવ્યો છે. જોન આ ફિલ્મમાં બાઇકરના પાત્રમાં જોવા મળશે. 

અંગત જીવનમાં પણ જોન અબ્રાહમ બાઇકનો શોખીન છે. તેની પાસે સંખ્યાબંધ અદ્યતન બાઇક છે. જોને આ અગાઉ 'ધૂમ' ફિલ્મમાં બાઇકરનું પાત્ર ભજવ્યું હતું. હવે ફરી દર્શકોને આનો આનંદ માણવા મળશે. આ ફિલ્મનું નિર્માણ અજય કપૂર કરી રહ્યો છે. જોન સાથે તેની આ ત્રીજી ફિલ્મ હશે. આ પહેલા જોન અને અજયે  'પરમાણુ અને રો' ફિલ્મ સાથે કરી છે. 

જોન હાલ પોતાની આવનારી ફિલ્મ 'રો'ના પોસ્ટ-પ્રોડકશનમાં વ્યસ્ત છે. જેમાં તેણે ભારતીય જાસૂસૂનું પાત્ર ભજવ્યું છે. આ ફિલ્મમાં જોનના વિવિધ લુક જોવા મળવાના છે. 

from Entertainment News - Gujarat Samachar : World's Leading Gujarati Newspaper https://ift.tt/2UcAEDo
via Latest Gujarati News