આલિયા ભટ્ટના ઇન્સ્ટાગ્રામ પર ફોલોઅર્સની સંખ્યા ત્રીસ લાખ સુધી પહોંચી

(પ્રતિનિધિ દ્વારા) મુંબઇ,તા. 27 માર્ચ 2019, બુધવાર

આલિયા ભટ્ટને કારકિર્દી શરૂ કર્યાને હજી તો દસકો થયો નથી, પરંતુ તે આજે મનોરંજનની દુનિયામાં ટોચ પર આવી ગઇ છે. આલિયાએ ૨૦૧૨ની  ફિલ્મ 'સ્ટુડન્ટ ઓફ ધ ઇયર'થી કારકિર્દી શરૂ કરી હતી. આજે તેણે પોતાની અભિનયક્ષમતા દ્વારા બોલીવૂડમાં એક અલગ જ ઓળખ બનાવી છે. આલિયા સોશિયલ મીડિયા પર પણ સક્રિય છે, અન ેતેના ત્રીસ લાખ ફોલોઅર્સ થઇગયા છે. આલિયાએ પોતાના ચાહકોનો આભાર માન્યો હતો. 

આલિયાએ પોતાના ઇન્સ્ટાગ્રામ એકાઉન્ટ પર  એક વીડિયો શેયર કર્યો છે. આ વિડિયો પર આલિયાએ એક સુંદર કેપ્શન લખી છે, '' હજી તો  ખૂબસૂરત સફર શરૂ થઇ છે. હજી તાો મારગ બહુ લાંબો છે.૩૦ લાખ ફોલોર્સને મારો ખૂબ બધો પ્રેમ.''

આ વિડીયો  દ્વારા આલિયાએ પોતાની કારકિર્દીની એક ટૂંકી ઝલક દેખાડી છે. આ વિડિયોમાં તેની પ્રથમ ફિલ્મ 'સ્ટુડન્ટ ઓફ ધ ઇયર' થી લઇ તેની આવનારી ફિલ્મ 'કલંક' સુધીની સફર દેખાડી છે. તે કઇ રીતે ધીરે ધીરે સફળતાના પગથિયા  ચડી તે પણ તેણે દાખવ્યું છે. 

from Entertainment News - Gujarat Samachar : World's Leading Gujarati Newspaper https://ift.tt/2Ugy1jM
via Latest Gujarati News