અમિતાભ નાના પડદે પાછા ફરવાની ધમાકેદાર તૈયારી કરી રહ્યા છે

(પ્રતિનિધિ દ્વારા)  મુંબઇ,તા.29 માર્ચ 2019, શુક્રવાર

ટચૂકડા પડદાનો સૌથી વધુ લોકપ્રિય શો 'કોન બનેગા કરોડપતિ' ના આગામી સીઝનની તૈયારી ચાલી રહી છે. અમિતાભ બચ્ચન પોતે પણ આ શોની આતુરતાથી રાહ જોઇ રહ્યા છે. અમિતાભે આ વાતની જાણકારી સોશિયલ મીડિયાના પોતાના એકાઉન્ટ પર આપી હતી. 

અમિતાભ બચ્ચને પોતાના બ્લોગમાં લખ્યું હતું કે, '' કેબીસીની તૈયારી શરૂ થઇ ગઇ છે. આ શોનો પરિચય, સિસ્ટમ, નવા ઇનપુટ ઈત્યાદિની તૈયારી શરૂ થઇ ગઇ છે. આ ૨૦૧૯મું વરસ છે  અને  આ શોની શરૂઆત ૨૦૦૦ની સાલ થી થઇ છે. ૧૯ વરસ આ શોને થયા અને બે વરસના અંતરે આવ્યો છે. જેમાં મેં ફક્ત બે સીઝનમાં જ કામ કર્યું નથી. પરંતુ મારા જીવનમાં આ શોના ૧૭ વરસ બહુ મહત્વના છે. હવે અમે ૧૧મા સીઝનના શૂટિંગની શરૂઆત કરી નાખી છે. 

અમિતાભની આ ટવીટથી સ્પષ્ટ થાય છે કે, તે આ શોને ફરી હોસ્ટ કરવાના છે. 

from Entertainment News - Gujarat Samachar : World's Leading Gujarati Newspaper https://ift.tt/2uzWjXu
via Latest Gujarati News