આર્થિક મોર્ચે સરકાર માટે માઠા સમાચાર, ઔદ્યોગિક ઉત્પાદન 20 મહિનાના નિચલા સ્તરે

નવી દિલ્હી, તા. 12 એપ્રિલ 2019, શુક્રવાર

આર્થિક મોર્ચે સરકાર માટે માઠા સમાચાર છે. દેશનું ઔદ્યોગિક ઉત્પાદન ફેબ્રુઆરીમાં માત્ર 0.10% નોંધાયું છે. જે 20 મહિનાના સૌથી નિચલા સ્તર પર છે. જ્યારે મોંઘવારી દરમાં પણ વધારો થયો છે. સરકારી આંકડા પ્રમાણે માર્ચ મહિનામાં મોંઘવારી દર વધીને 2.86% રહ્યો. આ અગાઉ ફેબ્રુઆરી મહિનામાં મોંઘવારી દર વધીને 2.57% રહ્યો હતો.

મુખ્યપણે ખાદ્ય વસ્તુઓ અને ઇંધણના ભાવો વધવાથી મોંઘવારીમાં વધારો થયો છે. સેન્ટ્રલ સ્ટેટિસ્ટિકલ ઓફિસ તરફથી જાહેર કરવામાં આવેલા આંકડાઓ અનુસાર માર્ચ મહિનામાં ફુડ કોમોડિટી ફુગાવો વધીને 0.3% રહ્યો જે ફેબ્રુઆરીમાં 0.66% ઘટ્યો હતો. વિજળી અને ઇંધણ ક્ષેત્રમાં પણ મોંઘવારી દર વધી ગયો છે. માર્ચમાં ઇંધણનો મોંઘવારી દર વધીને 2.42% થયો, જે ફેબ્રુઆરીમાં 1.24% હતો.

મેન્યૂફેક્ચરિંગ સેક્ટરમાં સુસ્તીથી ફેબ્રુઆરી મહિનામાં ઔદ્યોગિક ઉત્પાદનની વૃદ્ધી દર 0.10% રહ્યો, ગત વર્ષે ફેબ્રુઆરીમાં ઔદ્યોગિક ઉત્પાદન સુચકઆંકનો વૃદ્ધી દર 6.90% રહ્યો હતો. સેન્ટ્રલ સ્ટેટિસ્ટિકલ ઓફિસના આંકડાઓ અનુસાર નાણાંકિય વર્ષ 2018-19 પહેલા 11 મહિના દરમિયાન IIPની સરેરાશ વૃદ્ધી 4% રહ્યો. નાણાંકિય વર્ષ 2017-18ના 11 મહિનામાં આ દર 4.30% રહ્યો હતો.

from Business News - Gujarat Samachar : World's Leading Gujarati Newspaper http://bit.ly/2VHLhLY
via Latest Gujarati News