મેન્ટલ હૈ ક્યા 21 મી જૂને રિલિઝ થશે, નવું પોસ્ટર આજે રિલિઝ થયું

મુંબઇ, તા. 17 એપ્રિલ 2019 બુધવાર

મોખરાના અભિનેતા રાજકુમાર રાવ અને કંગના રનૌતને મુખ્ય ભૂમિકામાં રજૂ કરતી એકતા કપૂરની ફિલ્મ મેન્ટલ હૈ ક્યા ચાલુ વર્ષના જૂનની 21મીએ રજૂ થશે એેવી ઔપચારિક જાહેરાત કરવામાં આવી હતી.

આ ફિલ્મનું એક નવું પોસ્ટર આજે રિલિઝ કરાયું હતું. આજે રિલિઝ કરાયેલા પોસ્ટરમાં બંને મુખ્ય કલાકારો એકબીજાની સામે જીભ કાઢી રહેલા દેખાય છે. બંનેની જીભની વચ્ચે એક ધારદાર બ્લેડ નજરે પડે છે. આ ફિલ્મ એક સાઇકોલોજિકલ થ્રીલર હોવાનું જાહેર કરવામાં આવ્યું હતું.

રાજકુમાર રાવે આ પોસ્ટર સોશ્યલ મીડિયા પર રિલિઝ કરતાં લખ્યું હતું કે પાગલપણું કેટલી હદ સુધી જઇ શકે છે એ તમે જોઇ શકો છો.

from Entertainment News - Gujarat Samachar : World's Leading Gujarati Newspaper http://bit.ly/2PdVxJe
via Latest Gujarati News