ઉપેન્દ્ર કુશવાહાએ ચૂંટણી પ્રચાર દરમિયાન સીતા માતા વિશે વિવાદિત નિવેદન આપ્યુ

નવી દિલ્હી, તા. 25 એપ્રિલ 2019 ગુરુવાર

રાષ્ટ્રીય લોક સમતા પાર્ટી સુપ્રીમો ઉપેન્દ્ર કુશવાહાએ દરભંગામાં રાષ્ટ્રીય જનતા દળના ઉમેદવાર અબ્દુલ બારી સિદ્દીકીના પક્ષમાં ચૂંટણી પ્રચાર કરતા સીતા માતા વિશે વિવાદિત નિવેદન આપ્યુ છે. દરભંગાના બેનીપુર વિધાનસભાના માયાપુર ગામમાં એક સભાને સંબોધિત કરતા કુશવાહાએ ભાજપની તુલના રામાયણના કલાકાર સાથે કરી છે. 

પોતાના સંબોધન દરમિયાન તેમણે કહ્યુ કે રામલીલા દરમિયાન જે સીતા માતાને જોઈને માતા-બહેનો સન્માનમાં માથુ ટેકે છે તે પડદા પાછળ સિગારેટ પી રહ્યા છે. આ જ હાલત છે ભાજપની. અંદરથી કંઈક અને બહાર કંઈક બીજુ.

સંબોધન દરમિયાન કુશવાહાએ કહ્યુ હું એનડીએમાં રહીને ભાજપને ઘણુ નજીકથી જોઈને આવ્યો છુ. સિદ્દીકી સાહેબ તો બહારથી જોઈ રહ્યા છે. હું તો ભાજપને અંદરથી જોઈને આવ્યો છુ કે ભાજપની અંદર શુ અને બહાર શું છે. બંનેમાં ઘણો તફાવત છે.

from National News - Gujarat Samachar : World's Leading Gujarati Newspaper http://bit.ly/2IIap22
via Latest Gujarati News