સીજેઆઇ પર જાતીય સતામણીના આરોપ મૂકનાર મહિલા પેનલ સમક્ષ હાજર

(પીટીઆઇ) નવી દિલ્હી, તા.26 એપ્રિલ, 2019, શુક્રવાર

ભારતના મુખ્ય ન્યાયમૂર્તિ રંજન ગોગોઇ સામે જાતીય સતામણીના આરોપ મૂકનાર સુપ્રીમ કોર્ટના પૂર્વ મહિલા કર્મચારી આજે પેનલ સમક્ષ હાજર થયા હતાં. 

ત્રણ સભ્યોની બનેલી આ સમિતિમાં ત્રણ સભ્યો છે. આ સમિતિનું નેતૃત્ત્વ ન્યાયમૂર્તિ એસ એ બોબડે કરી રહ્યાં છે. આ સમિતિમાં બે મહિલા જજ ઇન્દુ મલ્હોત્રા અને ઇન્દિરા બેનર્જા પણ સામેલ છે. 

સૂત્રોના જણાવ્યા અનુસાર ન્યાયમૂર્તિ એસ એ બોબડેના ચેમ્બરમાં આજે પ્રથમ સુનાવણી કરવામાં આવી હતી.

સૂત્રોના જણાવ્યા અનુસાર સેક્રેટરી જનરલ આ કેસથી સંબધિત તમામ દસ્તાવેજો અને સામગ્રીની સાથે સમિતિની સામે હાજર થયા હતાં. જો કે આ કેસની સુનાવણી દરમિયાન જજો સમક્ષ ફક્ત ફરિયાદકર્તા જ હાજર હતાં.

from National News - Gujarat Samachar : World's Leading Gujarati Newspaper http://bit.ly/2UL67IJ
via Latest Gujarati News