પ્રિયંકાએ સિડનીના મેડમ તુસાદ મ્યુઝિયમમાં પોતાના વેકસ સ્ટેચ્યુનું અનાવરણ કર્યું

(પ્રતિનિધિ દ્વારા) મુંબઇ, તા.6 એપ્રિલ, 2019, શનિવાર

પ્રિયંકા ચોપરા જોનાસનું વેક્સ સ્ટેચ્યુ સીડનીના મેડમ તુસાદ મ્યુઝિયમમાં મુકવામાં આવ્યું છે. આ વાતની જાણકારી મેડમ તુસાદ મ્યુઝિયમ સિડની દ્વારા સોશિયલ મીડિયા પર આપવામાં આવી હતી. 

પ્રિયંકાએ બોલીવૂડથી લઇ હોલીવૂડ સુધી લોકપ્રિયતા મેળવી છે. તે હવે ગ્લોબલ આઇકોન બની ગઈ છે. તેનું વેક્સ સ્ટેચ્યુ સિડની મેડમ તુસાદમાં મુકવામાં આવ્યુ છે. જેની તસવીરો અને વિડીયો સોશિયલ મીડિયા પર ફરી રહ્યો છે. પ્રિયંકાએ ગુરુવારે પોતાના આ પૂતળાનુ અનાવરણ કર્યું હતું હવે આ પૂતળા સાથે પ્રિયંકાના કુલ ચાર મીણના પૂતળા મુકાયા છે. 

ઉલ્લેખનીય છે કે, ૭ ફેબુ્રઆરીના ન્યુયોર્કના મેડમ તુસાદમાં પ્રિયંકાએ  પોતાના પૂતળાનું અનાવરણ કર્યું હતું. પ્રિયંકા દુનિયાની પ્રથમ એવી મહિલા છે જેના ચાર વેક્સ સ્ટેચ્યુ મેડમ તુસાદમાં મુકાયા હોય.

from National News - Gujarat Samachar : World's Leading Gujarati Newspaper http://bit.ly/2UHuhs0
via Latest Gujarati News