ઉદયપુરમાં ઇરફાનના ચાહકો ગજબની ભીડ જમાવી

ઉદયપુર / મુંબઇ તા.12 એપ્રિલ 2019, શુક્રવાર

મગજમાં કેન્સરની ગાંઠની સારવાર વિદેશમાં લઇને પાછા ફરેલા મોખરાના અભિનેતા ઇરફાન ખાનને જોઇને રાજસ્થાનના ઉદયપુર શહેરમાં જબરદસ્ત ભીડ જામી હતી.  એને સાજોસારો જોઇને લોકો ખુશ નજરે પડતા હતા.

સ્વદેશ પાછા ફર્યા બાદ ઇરફાન અને એની પત્ની સુતાપા સિકદરે સોશ્યલ મિડિયા પર લાગણીશીલ સંદેશો મૂકીને ઇરફાનના આરોગ્ય માટે શુભેચ્છા પાઠવનારા સૌ કોઇનો જાહેરમાં આભાર માન્યો હતો.  

ઉદયપુરમાં હાલ ઇરફાન ખાનની હિટ ફિલ્મ હિન્દી મિડિયમની સિક્વલ અંગ્રેજી મિડિયમનું શૂટિંગ ચાલી રહ્યું છે. ઇરફાન આવ્યો છએ ેવી જાણ થતાં એના ચાહકોએ લોકેશન પર ભારે ભીડ જમાવી હતી અને ઇરફાને પણ ચાહકોની સાથે ફોટા પડાવ્યા હતા.

ઓરિજિનલ ફિલ્મ હિન્દી મિડિયમમાં ઇરફાન સાથે પાકિસ્તાની અભિનેત્રી સબા કમરે મુખ્ય રોલ કર્યો હતો. હાલ ભારત પાકિસ્તાન વચ્ચે પ્રવર્તતી તંગદિલીના પગલે અંગ્રેજી મિડિયમમાં પાકિસ્તાની અભિનેત્રીને તેડાવી નથી.

ઇરફાન ખાન પોતાના ચાહકોનેા પ્રેમ જોઇને ખુશ થઇ ગયો હતો. એણે સૌનું હસતાં મોઢે અભિવાદન કર્યું હતું. આ સપ્તાહે એની અંગ્રેજી મિડિયમના ફર્સ્ટ લૂકને ફિલ્મ સર્જકે સોશ્યલ મિડિયા પર રિલિઝ કર્યો હતો.

from Entertainment News - Gujarat Samachar : World's Leading Gujarati Newspaper http://bit.ly/2GjU29C
via Latest Gujarati News