લિંક્ડઈન પર શેર કરી શકશો 'રીએક્શન', જાણો કેવી રીતે કરવો ફીચરનો ઉપયોગ

નવી દિલ્હી, 10 મે 2019, શુક્રવાર

લિંક્ડઈનના યૂઝર્સનો અનુભવ વધારે રસપ્રદ થવા જઈ રહ્યો છે. યૂઝર્સને શાનદાર અનુભવ કરાવવા માટે લિંક્ડઈનમાં ખાસ ફીચર એક્ટિવ કરવામાં આવ્યા છે. આ ફીચર્સના કારણે યૂઝર્સને ફેસબુકના ફીચર્સની મજા લિંક્ડઈન પર માણવા મળશે. 

લિંક્ડઈન પર અત્યાર સુધીમાં લાઈક, શેર અને કોમેન્ટ જ કરી શકાતી હતી. પરંતુ હવે યૂઝર્સ કોઈ પોસ્ટ પર પોતાના રીએક્શન પણ આપી શકશે. ફેસબુકની જેમ જ આ સોશિયલ મીડિયા પ્લેટફોર્મ પર લવ, ઈનસાઈટપુલ, સેલિબ્રેટ જેવા વિકલ્પ એક્ટિવ કરવામાં આવ્યા છે. 

લિંક્ડઈનના બ્લોગમાં આપેલી વિગતોનુસાર આ ફીચરને એક્ટિવ કરી યૂઝર્સના અનુભવને શ્રેષ્ઠ બનાવવા પ્રયત્ન કરવામાં આવ્યો છે. આ ફીચર્સનો ઉપયોગ યૂઝર્સ લાઈક બટનને થોડીવાર પ્રેસ કરી રાખી અને કરી શકે છે. 

આ રીતે ઉપયોગ કરો રીએક્શન ફીચર

1. લિંક્ડઈનમાં રિએક્શન ફીચરનો ઉપયોગ કરવા માટે ફેસબુકની જેમ જ લાઈક બટનને પ્રેસ કરી રાખો.

2. ફોનમાં જો લિંક્ડઈનનો ઉપયોગ કરતા હોય તો લાઈક કરવાના નિશાનને પ્રેસ કરો. થોડી સેકન્ડમાં રિએક્શનના વિકલ્પ જોવા મળશે.

3. અહીં યૂઝર્સને 4 વિકલ્પ જોવા મળશે જેમાંથી તે પોતાની પસંદ અનુસાર રિએક્શન પસંદ કરી શેર કરી શકે છે. 

from Science technology News - Gujarat Samachar : World's Leading Gujarati Newspaper http://bit.ly/2YnlPMB
via Latest Gujarati News