પરિણિતી ચોપરાની આગામી ફિલ્મમાં તેના પતિના પાત્રમાં અવિનાશ તિવારી જોવા મળશે

(પ્રતિનિધિ દ્વારા) મુંબઇ,તા. 21 જૂન 2019, શુક્રવાર

પરિણિતી ચોપરા '' ધી ગર્લ ઓન ધ ટ્રેન'ની હિંદી રિમેકમાં કામ કરી રહી છે. આ ફિલ્મમાં પરિણિતી મહત્વનું પાત્ર ભજવી  રહી છે. આ એક મહિલા પ્રધાન ફિલ્મ હોવાથી પરિણિતીના પતિના પાત્ર માટે જાણીતા ચહેરાને ફિલ્મમાં લેવામાં આવ્યો નથી. 

'' આ ફિલ્મમાં પરિણિતીના પતિના પાત્ર માટે  અવીનાશ તિવારીને પસંદ કરવામાં  આવ્યો છે. અવિનાશે ઇમ્તિઆઝ અલીની 'લૈલા મજનુ'ની ફિલ્મમાં મુખ્ય પાત્ર ભજવ્યુ ંહતું. તેની સ્ક્રિન પ્રેઝસન્સ બહુ જ સારી છે.ફિલ્મસર્જકને કોઇ વિશેષ ઇમેજ ધરાવતો અભિનેતા આ પાત્ર માટે ખપતો નહોતો. આ એક મહિલા પ્રધાન ફિલ્મ હોવાથી આ પાત્ર માટે અવિનાશ જ  યોગ્ય લાગ્યો હતો, તેમ સૂત્રે જણાવ્યું  હતું. 

આ ફિલ્મ એક એવી યુવતીની આસપાસ ફરે છે. જે નિયમિત રીતે ટ્રેનમાં સફર કરે છે. તેને ટ્રેનમાંથી તેના એક્સ પતિ અને પત્નીનું ઘર દેખાતું હોય છે.  તે રોજ જ આ યુગલને જોતી હોય છે. એક દિવસ તે ટ્રેનમાંથી આ ઘરમાં કાંઇક એવું જુએ છે કે એ પછી આ યુવતીના જીવનમાં ઘણા બદલાવ આવે છે. 

from Entertainment News - Gujarat Samachar : World's Leading Gujarati Newspaper http://bit.ly/2Ft76J4
via Latest Gujarati News