ગુજરાતીઓની વિશ્વમાં વધુ એક યશકલગી, પ્રીતી પટેલ બની બ્રિટનની હોમ મિનિસ્ટર

લંડન, તા.25 જુલાઇ 2019, ગુરૂવાર 

એક ગુજરાતી મહિલા પ્રીતિ પટેલને બ્રિટનના ગૃહ પ્રધાન બનાવવામાં આવ્યાં હતાં. હાલના વડા પ્રધાન બોરિસ જ્હૉન્સને આ નિમણૂક કરી હતી.

પ્રીતિ પટેલ અગાઉ પણ કેબિનેટમાં હતાં. ઇઝરાયેલા વડા પ્રધાન બેંજામીન નેતન્યાહુ સાથે ખાનગીમાં મુલાકાત કરી હોવાના આક્ષેપ બદલ તેમણે ત્યારના વડા પ્રધાન ટેરીઝાના પ્રધાનમંડળમાંથી રાજીનામું આપવું પડ્યું હતું. બ્રિટનના કાયદા અનુસાર આ પોલિટિકલ પ્રોટોકોલનેા ભંગ હતો એટલે પ્રીતિબહેને રાજીનામું આપવું પડ્યું હતું.

પ્રીતિ હાલના ભારતીય વડા પ્રધાન નરેન્દ્ર મોદીની ખાસ પ્રશંસક છે અને અગાઉ એક કરતાં વધુ વખત નરેન્દ્ર મોદીની જાહેરમાં પ્રશંસા કરી ચૂક્યાં છે. પ્રીતિનાં માતાપિતા મૂળ ગુજરાતનાં હતાં. વ્યવસાય અર્થે યુગાન્ડામાં સ્થાયી થયાં હતાં. ત્યાંથી બ્રિટનમાં ગયા જ્યાં લંડનમાં પ્રીતિનો જન્મ થયો હતો. બ્રિટિશ સમીક્ષકોની દ્રષ્ટિએ દેશના હોમ મિનિસ્ટર તરીકે પ્રીતિનું પુનરાગમન એમની પોલિટિકલ બઢતી સમાન છે.  

પ્રીતિએ પોતાની વરણી બદલ ખુશી વ્યક્ત કરતાં ટ્વીટર પર લખ્યું હતું કે વડા પ્રધાન બોરિસ જ્હૉન્સને મને હોમ મિનિસ્ટર બનાવી એ મારા માટે ગૌરવની વાત છે. હું તેમનો આભાર માનું છું અને ખાતરી આપું છું કે હું મારી ફરજ બજાવવામાં જરાય પાછી પાની નહીં કરું.

 

from International News - Gujarat Samachar : World's Leading Gujarati Newspaper https://ift.tt/32MGywg
via Latest Gujarati News