ટ્રમ્પ સરકારે 2 લાખ કરોડ ડોલરનું ઐતિહાસિક પેકેજ જાહેર કર્યું

વોંશિંગ્ટન, 28 માર્ચ 2020 શનિવાર

રાષ્ટ્રપતિ ડોનાલ્ડ ટ્રમ્પે અમેરિકન અર્થવ્યવસ્થાને કોરોનાવાયરસના કચરાથી બચાવવા માટેના સૌથી મોટા રાહત પેકેજને મંજૂરી આપી દીધી છે.

અમેરિકન કોંગ્રેસ દ્વારા 150લાખ કરોડ રૂપિયા (2 ટ્રિલિયન ડોલર) ની આર્થિક સહાયની જાહેરાત કરવામાં આવી,

જેના પછી રાષ્ટ્રપતિ ડોનાલ્ડ ટ્રમ્પે પણ મંજૂરી આપી. અમેરિકન ઇતિહાસનું આ સૌથી મોટું રાહત પેકેજ છે.

આ આર્થિક પેકેજનો વૈશ્વિક રોગચાળા કોરોનાથી થતાં નુકસાનને પહોંચી વળવા માટે અલગ રીતે ઉપયોગ કરવામાં આવશે.

આ અંતર્ગત દેશના તમામ લોકોના ખાતામાં પૈસા ટ્રાન્સફર કરવામાં આવશે. તેમજ બેકાર બનેલાઓમને (Jobless Claim) ભથ્થું આપવામાં આવશે.

રાહત પેકેજ સાથે શું થશે 

ટ્રમ્પ સરકારે 2 લાખ કરોડ ડોલર (લગભગ 150 લાખ કરોડ રૂપિયા) નું ઐતિહાસિક પેકેજ જાહેર કર્યું છે.

આમાં અમેરિકાના દરેક વયસ્કને એક સમયે 90,000 રૂપિયા (1200 ડોલર) અને બાળકોને 37500 રૂપિયા (500 ડોલર) આપવામાં આવશે.

આ રાહત પેકેજમાં મોટાભાગના અમેરિકન નાગરિકોને સીધી રકમ ચૂકવવામાં આવશે.

આ સાથે નાના ધંધા માટે 367 અબજ ડોલરની જોગવાઈ કરવામાં આવશે, જેથી તેમના એ કર્મચારીઓ કે  જેમને ઘરે રહેવાની ફરજ પડી છે તેમને પગાર મળી શકે.

અત્રે ઉલ્લેખનિય છે કે ચીનના વુહાનના ત્રણ મહિના પહેલા વાયરસ ફેલાવાને કારણે અત્યાર સુધીમાં 5 લાખથી વધુ લોકો અસરગ્રસ્ત થયા છે, આ કારણે અત્યાર સુધીમાં 26,000 થી વધુ લોકોનાં મોત નીપજ્યાં છે.

from International News - Gujarat Samachar : World's Leading Gujarati Newspaper https://ift.tt/2vTRxIE
via Latest Gujarati News