જેકવેલિન ફર્નાન્ડિસ એક પછી એક પ્રોજેક્ટસ સાઇન કરી રહી છે

(પ્રતિનિધિ દ્વારા) મુંબઇ,તા. 06 નવેમ્બર 2020, શુક્રવાર

જેકલિન ફર્નાન્ડિસનું આવનારું વરસ વધુ પડતું વ્યસ્ત હોવાનું મનાઇ રહ્યું છે. અભિનેત્રીએ એક પછી એક કરીને ત્રણ ફિલ્મો સાઇન કરી છે. આ ત્રણેય ફિલ્મો બિગ બજેટ ફિલ્મો હોવાની વાત છે. આ રીતે અભિનેત્રીનું શેડયુલ પેક થઇ ગયું છે. 

જેકલિન ભૂત પોલીસ, કિક ટુ અને સર્કસ ફિલ્મોમાં કામ કરવાની છે. તેણે પોતાની ફિલ્મો બાબત જણાવ્યું હતું કે, આ વખતે મને વિવિધ વિષયક ફિલ્મો મળી હોવાથી હું બહુ ઉત્સાહિત છું. મારા પાત્રોની અલગ જ ડિમાન્ડ છે, અને આ સુપર થ્રિલિંગ થવાનું છે. 

હું મારી કારકિર્દીમાં પ્રથમ વખત રણવીર અને રોહિત શેટ્ટી સાથે કામ કરી રહી છું. આ બન્ને એકટિંગના પાવરહાઉસ હોવાથી મને તેમની સાથે શૂટિંગ કરવામાં બહુ આનંદ આવશે.મેં ભૂતકાળમાં સલમાન અને સૈફ સાથે કામ કર્યું છે જે અનુભવ સારો રહ્યો છે. 

અભિનેત્રીએ વધુમાં કહ્યું હતું કે, મારી પાસે એક પછી એક પ્રોજેક્ટસ હોવાથી મને એક પાત્રમાંથી બીજા પાત્રમાં ઢળવા માટે વધુ સમય રહેવાનો નથી. જોકે મને આની કોઇ ફરિયાદ પણ નથી.

from Entertainment News - Gujarat Samachar : World's Leading Gujarati Newspaper https://ift.tt/3eAYVL0
via Latest Gujarati News