મેથુસેલાહ ફિલ્મમાં માઇકલ જોર્ડન ચમકશે

લોસ એંજલ્સ તા.27 માર્ચ 2019, બુધવાર

ઇસાઇ ધર્મગ્રંથ બાઇબલમાં સૌથી લાંબો સમય ટકી રહેલા પાત્ર મેથુસલાહના જીવન પરથી બની રહેલી ફિલ્મ મેથુસલાહમાં અભિનેતા માઇકલ જોર્ડન અભિનય કરશે એવા અહેવાલ પ્રગટ થયા હતા.

આ ફિલ્મમાં અભિનય કરવા ઉપરાંત જોર્ડન એના નિર્માતાની જવાબદારી પણ અદા કરશે એમ વેરાયટી ડૉટ કોમના એક અહેવાલમાં જણાવાયું હતું.

છેલ્લાં થોડાં વરસથી વોર્નર બ્રધર્સ આ પ્રોજેક્ટ પર કામ કરી રહ્યા હતા. 2014માં એમની સાથે ઝેક ડીન જોડાયો અને શરૃની સ્ક્રીપ્ટ ઝેકે લખી હતી. ત્યારબાદ આ સ્ક્રીપ્ટ મઠારી અને નવેસર તૈયાર કરી ટોની ગીલરોયે. 

ટોચના અભિનેતા વીલ સ્મિથ અને ટોમ ક્રૂઝેે પણ આ પ્રોજેક્ટમાં રસ દાખવ્યો હતો. જોકે પાછળથી માઇકલ જોર્ડન આ પ્રોજેક્ટ સાથે જોડાયો હતો અને હીરો તરીકે સાઇન થવા ઉપરાંત એણે પ્રોડયુસર તરીકે કામ કરવાની પણ તૈયારી દાખવી હતી.

બાઇબલમાં એનોકના પુત્ર તરીકે મેથુસલાહનું નિરુપણ છે. ડેન્ઝલ વૉશિંગ્ટન આ ફિલ્મનું ડાયરેક્શન કરવાના છે.

from Entertainment News - Gujarat Samachar : World's Leading Gujarati Newspaper https://ift.tt/2TXNeHl
via Latest Gujarati News