અર્જુન રેડ્ડીની તૈયારી શાહિદે પૂરી કરી

મુંબઇ તા.8 એપ્રિલ 2019, સોમવાર

સુપરહિટ તેલુગુ ફિલ્મ અર્જુન રેડ્ડીની હિન્દી રિમેક માટે મોખરાના અભિનેતા શાહિદ કપૂરે સારી એવી પૂર્વતૈયારી કરી હોવાની માહિતી મળી હતી.

આ ફિલ્મમાં શાહિદ કપૂરે કૉલેજ સ્ટુડન્ટનો રોલ કરવાનો છે. પોતે આ રોલમાં પરફેક્ટ દેખાય એ માટે શાહિદે ફિટનેસ એક્સપર્ટ સમીર જૌરાની મદદ લીધી હતી અને સમીરે સૂચવ્યા મુજબનો પૌષ્ટિક આહાર તથા નિયમિત વર્ક આઉટ દ્વારા એણે સારું એવું વજન પણ ઘટાડયું હતું. એની આ તૈયારી ફિલ્મ સર્જકોને પસંદ પડી હતી. 

મૂળ તેલુગુ ફિલ્મ 2017માં રિલિઝ થઇ હતી. એ જોયા પછી શાહિદે પોતાની પૂર્વતૈયારી શરૂ કરી હતી. એ છેલ્લા થોડા મહિનાથી આ રોલની તૈયારીમાં લાગી ગયો હતો. હવે એ આ રોલ માટે ફિટ સાબિત થઇ રહ્યો છે.

સમીરે કહ્યું હતું કે છેક 2003માં રજૂ થયેલી ફિલ્મ ઇશ્ક વિશ્કમાં શાહિદે કૉલેજ સ્ટુડન્ટનો રોલ કર્યો હતો. એ વાતને પંદર સોળ વર્ષ વીતી ગયાં. હવે ફરી એવો રોલ કરવા માટે મેં એને રોજની ફક્ત 1400-15- કેલરી આપે એવા આહારની ભલામણ કરી હતી. એણે પણ આજ્ઞાાંકિત વિદ્યાર્થીની જેમ મારાં બધાં સૂચનનો અમલ કર્યો હતો અને હવે એ આ રોલ માટે તૈયાર છે. એણે 14 કિલો જેટલું વજન ઘટાડયું હતું. આ ફિલ્મમાં કિયારા અડવાણી એની હીરોઇન છે.

from Entertainment News - Gujarat Samachar : World's Leading Gujarati Newspaper http://bit.ly/2I72mfc
via Latest Gujarati News