તમારી માતા-પત્ની માટે પણ આ જ ભાષા વાપરો છો ને....

નવી દિલ્હી તા.15 એપ્રિલ 2019 સોમવાર

સમાજવાદી પક્ષના નેતા અને ઉત્તર પ્રદેશના ભૂતપૂર્વ પ્રધાન આઝમ ખાનને પડકારતાં અભિનેત્રી પોલિટિશ્યન જયા પ્રદાએ પૂછ્યું હતું કે તમારા ઘરમાં માતા અને પત્ની સાથે આ જ ભાષામાં વાત કરો છો ને...

જયા પ્રદા જે બેઠક પરથી ચૂંટણી લડી રહી છે એ રામપુર બેઠક પરથી આઝમ ખાન પણ લોકસભાની ચૂંટણી લડી રહ્યા છે. જયાપ્રદાનું નામ જાહેર થતાં આઝમ ખાને જયા પ્રદા વિશે અઘટિત વિધાન કર્યું હતું. એ વિધાનના પગલે ખળભળાટ મચી ગયો હતો અને  આઝમ ખાનની આ ભાષા વિશે ચૂંટણી પંચને પણ ફરિયાદ કરાઇ હતી. આ દિશામાં લેટેસ્ટ માહિતી મુજબ ખુદ જયા પ્રદાએ જાહેરમાં આઝમ ખાનને પડકાર્યા હતા અને કહ્યું હતું કે તમારા ઘરમાં માતા અને પત્ની તો છે ને ? તેમની સાથે પણ આ જ ભાષામાં વાત કરતાં હશો.

જયા પ્રદાએ કહ્યું કે આવા ઉચ્ચારો દાખવે છે કે આઝમ ખાન કેવી વ્યક્તિ છે. એ કદી સુધરશે નહીં. મારે એેમના વિધાન વિશે કોઇ ટીપ્પણી કરવી નથી. મારે એમને ફક્ત એક જ સવાલ પૂછવો છે અને તે એ કે તમારા ઘરમાં માતા-બહેન અને પત્ની સાથે તમે આ જ ભાષામાં વાત કરતાં હશો.  બરાબર ને ?

રાજકીય નિરીક્ષકો માને છે કે અભદ્ર ઉચ્ચારો કરીને આઝમ ખાન પોતાની વાણીમાં પોતેજ ફસાઇ ગયા હતા.

from National News - Gujarat Samachar : World's Leading Gujarati Newspaper http://bit.ly/2IlEILY
via Latest Gujarati News