એક ભ્રમઃ સર્વગુણ સંપન્ન સત્ય ઘટના પર આધારિત છે

મુંબઇ તા.12 એપ્રિલ 2019, શુક્રવાર

એક ભ્રમઃ સર્વગુણ સંપન્ન નામે ટીવી ચેનલ સ્ટાર પ્લસ પર શરૂ થયેલો શો વાસ્તવ જીવનમાં એક સત્યઘટના અને એક ચોક્કસ પરિવારના પ્રસંગો સાથે સંકળાયેલો હોવાની માહિતી મળી હતી.

આ શોમાં  શ્રેણુ પરીખ મુખ્ય ભૂમિકા ભજવી રહી છે. શો સાથે સંકળાયેલા એક સૂત્રે જણાવ્યા મુજબ સંબંધિત પરિવારે પોતાની જીવનકથા પરથી આ સિરિયલ બનાવનારા સર્જકોને એવા કરારથી બાંધી લીધા છે કે કથા કયા અને કોના પરિવાર પર આધારિત છે એ હકીકત કદી જાહેર કરવી નહીં. 

ઇશ્કબાજમાં ચમકેલી આ અભિનેત્રી પહેલીવાર સિરિયલમાં એક નેગેટિવ કહી શકાય એવો રોલ કરી રહી છે. પરંપરાગત પુત્રવધૂને બદલે આ એક નવા જમાનાની પુત્રવધૂ છે એવો સંકેત સર્જકોએ આપ્યો હતો. સાચું પૂછો તો આ રોલ એક પ્રકારનો વેમ્પ કે વિલન ટાઇપનો રોલ કહી શકાય એવો છે.  

તાજેતરમાં આ શોનો પ્રોમો રજૂ થયો હતો. જાન્હવી નામની નાયિકા આદર્શ પુત્રવધૂ હોવાનો ડોળ ઘાલીને કેવા કેવા કાવતરાં રચે છે એની કથા આ શોમાં છે.  

from Entertainment News - Gujarat Samachar : World's Leading Gujarati Newspaper http://bit.ly/2Iuv74v
via Latest Gujarati News