કેટ બેકિન્શેલ એક્શન સભર કોમેડી ફિલ્મ કરશે

લોસ એંજલ્સ, તા. 25 એપ્રિલ 2019, ગુરૂવાર

હોલિવૂડની મોખરાની અભિનેત્રી કેટ બેકિન્શેલ એક એક્શન સભર કોમેડી ફિલ્મ કરશે એવા અહેવાલ પ્રગટ થયા હતા. 

ફિલ્મ સર્જક તાન્યા વેક્સલરે એને આ એક્શન કમ કોમેડી ફિલ્મ જોલ્ટ માટે કેટને સાઇન કરી હતી. સ્કોટ વાશ્ચાએ લખેલી આ સ્ક્રીપ્ટ ખરેખર બેઠકમાં જકડી રાખે એવી છે. એમાં કેટ લીન્ડી નામની એક એવી મહિલાનો રોલ કરશે જેને અવારનવાર કોઇની હત્યા કરવાની ઇચ્છા જાગે છે. પોતે એ ઇચ્છાને વશ ન થાય એ માટે લીન્ડી પોતાની જાતને ઇલેક્ટ્રીક શૉક આપે એવી બ્રા પહેરે છે. જ્યારે જ્યારે હત્યા કરવાનો ઉન્માદ જાગે ત્યારે એ પોતાની જાતને શૉક આપીને વારે છે એવી સ્ટોરીલાઇન આ સ્ક્રીપ્ટમાં છે.

ડેડલાઇન ડૉટ કોમના અહેવાલ મુજબ આ વર્ષના જુલાઇમાં ઇંગ્લેંડ ઉપરાંત બલ્ગેરિયાના સોફિયા શહેરમાં શૂટિંગ શરૂ થશે. કેટે આ ફિલ્મ કરવાની હા પાડી તેથી પોતે ઉત્તેજિત થઇ હતી એમ તાન્યાએ કહ્યું હતું.

from Entertainment News - Gujarat Samachar : World's Leading Gujarati Newspaper http://bit.ly/2XB1NOi
via Latest Gujarati News