મોઈન અલીની ધોલાઈથી કુલદીપ યાદવની આંખોમાં આવી ગયા આંસુ

નવી દિલ્હી,તા.20.એપ્રિલ 2019, શનિવાર

આઈપીએલમાં શુક્રવારે રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચેનો મુકાબલો તોફાની બેટિંગ માટે યાદ રહેશે.

કોહલી અ્ને  મોઈન અલીએ કરેતી સ્ફોટક બેટિંગના પગલે 214 રનનો ટાર્ગેટ ચેઝ કરવા ઉતરેલી કોલકાતાની ટીમે પણ યાદગાર લડત આપી હતી.નિતિશ રાણા અને રસેલની બેટિંગે એક વખત અશક્ય લાગતો ટાર્ગેટ ચેઝ થઈ જશે તેવી આશા બંધાવી હતી.જોકે કોલકાતા 10 રનથી આ મેચ હાર્યુ હતુ.

તોફાની બેટિંગના પગલે બંને પક્ષના બોલરોની ધોલાઈ થઈ હતી પણ કોલકાતાના બોલર કુલદીપ યાદવને મોઈન અલીએ એક જ ઓવરમાં 27 રન ફટકારતા કુલદીપની આંખોમાં આંસુ આવી ગયા હતા.

મોઈન અલીએ 16મી ઓવરમાં કુલદીપ યાદવની એક જ ઓવરમાં ત્રણ સિક્સ અને બે ફોર ફટકારીને 27 રન લીધા હતા.જોકે ઓવરના છેલ્લા બોલે કુલદીપે મોઈનને આઉટ કરી બદલો લઈ લીધો હતો.

જોકે એ પછી કુલદીપ ઘણો હતાશ થઈ ગયો હતો.તેણે પોતાની કેપ જમીન પર ફેંકી ગુસ્સો કાઢ્યો હતો.સાથી ખેલાડી ક્રિસ લીને કુલદીપને આશ્વાસન આપ્યુ હતુ.મેદાન પર બેસી ગયેલા કુલદીપને ખેલાડીઓ મનાવી રહ્યા હતા ત્યારે પાણી પીતા પીતા કુલદીપની આંખોમાં આંસુ જોવા મળી રહ્યા હતા.

from Sports News - Gujarat Samachar : World's Leading Gujarati Newspaper http://bit.ly/2VXEUUL
via Latest Gujarati News