લો, હવે કેટરિના પણ નિર્માત્રી બનશે

મુંબઇ તા.27 એપ્રિલ 2019, શનિવાર

મોખરાની અભિનેત્રી કેટરિના કૈફ ટૂંક સમયમાં ફિલ્મ નિર્માણ શરૂ કરશે એવા સમાચારને ખુદ કેટરિનાએ સમર્થન આપ્યું હતું.

છેલ્લા એક દાયકામાં કેટરિના સંખ્યાબંધ હિટ ફિલ્મો આપી ચૂકી છે. એ દરેક ટોચના કલાકાર સાથે કામ કરી ચૂકી છે. હાલ એની સલમાન ખાન સાથેની ભારત રજૂઆતને આરે છે.

અનાહિતા શ્રોફ અડજાનિયાના હિટ ટીવી ચેટ શો ફીટ અપ વીથ ધ સ્ટાર્સ સીઝન ટુમાં મહેમાન તરીકે હાજર રહેલી કેરિટનાને અનાહિતાએ એની ભાવિ યોજના વિશે પૂછ્યું હતું. એના જવાબમાં કેટરિનાએ કહ્યું, 'ટૂંક સમયમાં પ્રોડયુસર બનવાની મારી યોજના છે. મારે ફિલ્મ કંપનીની માલિકણ બનવું છે... સારી ફિલ્મો બનાવવી છે.

એ સાથે કેટરિનાએ પોતાની પહેલાં ફિલ્મ કંપની સ્થાપીને સારી ફિલ્મો બનાવનારી પ્રિયંકા ચોપરા, અનુષ્કા શર્મા અને દીપિકા પાદુકોણને અભિનંદન પણ આપ્યા હતા.

from Entertainment News - Gujarat Samachar : World's Leading Gujarati Newspaper http://bit.ly/2IVKrHE
via Latest Gujarati News