પ્રિયંકાએ હોલિવૂડની નવી ફિલ્મ સાઇન કરી

લોસ એંજલ્સ તા.15 એપ્રિલ 2019, સોમવાર

ઇન્ટરનેશનલ અભિનેત્રી ગણાતી બોલિવૂડની અભિનેત્રી પ્રિયંકા ચોપરાએ હોલિવૂડમાં એક નવી ફિલ્મ સાઇન કરી હોવાની ઔપચારિક જાહેરાત કરવામાં આવી હતી.

વેડિંગ કોમેડી તરીકે ઓળખાવાયેલી આ ફિલ્મમાં પ્રિયંકા મીંડી કેલિંગ સાથે સમાંતર ભૂમિકા કરશે.મીંડી પોતે અને ડેન ગોર આ ફિલ્મની સ્ક્રીપ્ટ લખી રહી છે. યુનિવર્સલ પિક્ચર્સ એના નિર્માતાની જવાબદારી અદા કરશે.

પ્રિયંકાએ પોતાના ઇન્સ્ટાગ્રામ એકાઉન્ટમાં આ જાહેરાત કરી હતી. અમેરિકી ટીવી પર ત્રણ ત્રણ સીઝન ચાલેલી ક્વોન્ટિકો ટીવી સિરિયલ પછી હોલિવૂડમાં પ્રિયંકાની આ ચોથી ફિલ્મ છે. 

ક્વોન્ટિકોની પહેલી સીઝન વખતે જ એને રૉક ફેમ ડ્વેઇન જ્હૉન્સને એક ફિલ્મ બેવૉચમાં વીલન તરીકે લીધી હતી. ત્યારબાદ પ્રિયંકાએ અ કીડ લાઇક જેક અને ત્યાર બાદ ઇઝન્ટ ઇટ રોમાન્ટિક ફિલ્મો કરી હતી.  મીંડી કેલિંગ સાથેની એની આ ફિલ્મ હોલિવૂડની ચોથી ફિલ્મ થશે. આ ફિલ્મમાં ભારત અને અમેરિકા બંનેના લોકેશનો બેકગ્રાઉન્ડ તરીકે જોવા મળશે.

from Entertainment News - Gujarat Samachar : World's Leading Gujarati Newspaper http://bit.ly/2Gpj1bB
via Latest Gujarati News