ભારતીય કંપનીઓની ક્રેડિટ પ્રોફાઈલમાં ઝડપી પીછેહઠ

સ્થાનિક કંપનીઓના ક્રેડિટ પ્રોફાઈલમાં છેલ્લા છ વર્ષમાં સૌથી ઝડપી ગતિએ પીછેહઠ થયા બાદ હવે 'ક્રેશ ક્રન્ચ' એટલે કે રોકડની ખેંચની પ્રતિકૂળતાને લઇને કંપનીઓની નાણાંકીય તંદુરસ્તી જોખમાઈ છે અને આગામી સમયમાં આ જોખમ વધુ વકરે તેવી સંભાવના છે તેમ તાજેતરમાં હાથ ધરાયેલા એક અભ્યાસના તારણમાં જણાવ્યું હતું. 

આ અભ્યાસના તારણમાં સ્પષ્ટ જણાવાયું છે કે ૨૦૧૯ના કેલેન્ડર વર્ષના પ્રથમ ત્રણ માસમાં રેટિંગ ડાઉનગ્રેડનો રેશિયો ખરડાઈને ૨૦૧૩ની નીચી સપાટીએ ઊતરી આવ્યો છે. જે ખૂબ જ ગંભીર બાબત છે. કોર્પોરેટ ક્ષેત્રે નીચું રેટિંગ એટલે ડેટ માર્કેટમાં નાણાં માટે વધુ મોટાપાયે ચૂકવણી કરવી એમ સૂચવે છે. 

રિઝર્વ બેન્ક ઓફ ઇન્ડિયાએ તાજેતરમાં બીજી વાર વ્યાજના દરોમાં ઘટાડો કર્યો છે. કંપનીઓ માટે ફાઈનાન્સિંગ ખર્ચમાં ઘટાડો કરવા માટે નીતિ નિર્માતાઓએ સંઘર્ષ કર્યો છે. નોન-બેંક ધિરાણકર્તા આઈએસએન્ડએફએસના છેલ્લા વર્ષના પતન પછી બેડ લોનની સમસ્યાઓમાં વધારો થયા પછી ક્રેડિટર્સ સાવચેત રહે છે.

કેર રેટીંગ્સ લિમિટેડએ ૩૧ માર્ચ સુધીમાં ૧૨ મહિનાના સમયગાળા દરમિયાન છ વર્ષમાં પ્રથમ વખત અપગ્રેડ કરતાં વધુ કંપનીઓને ડાઉનગ્રેડ કરી હતી. જે સૂચવે છે કે તરલતામાં ઘટાડો વ્યાપક તેમજ ઓપરેટિંગ નફામાં ઘટાડો થઇ શકે છે.

કેન્દ્રિય બેંક નાણાકીય વ્યવસ્થામાં વધુ નાણાં ઠાલવવાનો પ્રયાસ કરે છે, તેથી તેણે તેની ત્રણ વર્ષથી વધુમાં વધુ આક્રમક નાણાકીય નીતિને સરળ બનાવી દીધી છે. કોર્પોરેટ લોન માટે ગૌણ બજારના વિકાસનું સંશોધન કરવા માટે ટાસ્ક ફોર્સ સ્થાપશે.

આરબીઆઈએ દુર્લભ ચલણ સ્વેપ દ્વારા પ્રવાહિતાને વેગ આપવા માટે ગયા મહિને બેંકિંગ સિસ્ટમમાં વધારાના ભંડોળ ઠાલવવાનો પ્રયાસ કર્યો હતો. રોકડ ખેચ પણ નિયમનકારો માટે ચિંતાનો વિષય છે, જો કે જેઓ પ્રવાહિતા વધારવાનો પ્રયાસ કરી રહ્યા છે. આમ, રોકડની ખેંચને લઇને કોર્પોરેટ ક્ષેત્રની તંદુરસ્તી ખરડાઈ રહી છે.

અત્રે એ ઉલ્લેખનીય રહેશે કે આર્થિક વિકાસને વેગ ત્યારે જ મળે જ્યારે ઉદ્યોગોના ધિરાણ માટેના વિકલ્પો મજબૂત હોય. પરંતુ આજે સ્થિતિ એ છે કે ધિરાણ મેળવવાને પાત્ર ભારતીય કંપનીઓ તેમજ નાના ઉદ્યોગોને દેશની બેંકો, નાણાં સંસ્થાઓ, બોન્ડ બજારમાંથી ૫૦૦ અબજ ડોલરથી વધુ રકમનું ધિરાણ પ્રાપ્ત થઇ શક્યુ નથી. ૨૦૧૫થી ૨૦૧૯ના નાણાં વર્ષ દરમિયાન વિવિધ પ્રતિકૂળતાના કારણે બેંકો દ્વારા કરાતા ધિરાણ મંદ પડવાના કારણે કોર્પોરેટ ક્ષેત્રની નાણાંકીય તંદુરસ્તી પર પ્રતિકૂળ અસરમાં વધારો થવા પામ્યો હતો.

આઈએલએફએસ પ્રકરણ બાદ ધિરાણ બજારમાં એક મોટો અવકાશ ઉદ્ભવ્યો છે. જેમાં ખાનગી ધિરાણ મહત્ત્વની ભૂમિકા ભજવી શકે તેમ છે. જો કે ભારતમાં હજુ તેનો વિકાસ થયો નથી.

અમેરિકા સહિતના અન્ય વિકસીત દેશોમાં ખાનગી ધિરાણનું પ્રમાણ ઘણું ઊંચું છે. તો બીજી તરફ બેંકો દ્વારા એસેટ પોર્ટફોલિયો મજબૂત બનાવવા હાથ ધરાયેલા વિવિધ પ્રયાસોના કારણે નાના-મોટા તમામ ઊદ્યોગો ધિરાણના મોરચે પ્રતિકૂળ સ્થિતિનો સામનો કરી રહ્યા છે.

from Business plus News - Gujarat Samachar : World's Leading Gujarati Newspaper http://bit.ly/2UDw6Xm
via Latest Gujarati News