સુપરસ્ટાર સલમાનખાનના પિતા સલીમ ખાનને મોહન ભાગવતના હસ્તે અપાયો આ એવોર્ડ

નવી દિલ્હી,તા.25.એપ્રિલ 2019, ગુરુવાર

બોલીવૂડના મશહૂર પટકથાલ લેખક અને સુપર સ્ટાર સલમાનખાનના પિતા સલીમખાનને માસ્ટર દીનાનાથ મંગેશકર એવોર્ડથી સન્માનિત કરાયા છે.

સલીમખાનને લાઈફ ટાઈમ એચીવમેન્ટ એવોર્ડ આપવામાં આવ્યો છે.મહત્વની વાત એ હતી કે , આ સમારોહમાં આરએસએસના પ્રમુખ મોહન ભાગવત હાજર રહ્યા હતા અને તેમના હસ્તે સલીમખાનને આ એવોર્ડ એનાયત કરાયો હતો.

સલીમખાન સિવાય બોલીવૂડના પીઢ એક્ટ્રેસ હેલનને તેમજ રાષ્ટ્રીય પુરસ્કાર વિજેતા બોલીવૂડ ડાયરેક્ટર મધુર ભંડારકરને પણ માસ્ટર દીનાનાથ એવોર્ડ એનાયત કરાયો હતો.આ એવોર્ડ પણ મોહન ભાગવતના હસ્તે જ અપાયો હતો.

માસ્ટર દીનાનાથ મંગેશકર એવોર્ડ દર વર્ષે આપવામાં આવે છે.લીજેન્ડરી ગાયિકા લતા મંગેશકરનો પરિવાર આ એવોર્ડ સમારોહનુ આયોજન કરે છે.

from Entertainment News - Gujarat Samachar : World's Leading Gujarati Newspaper http://bit.ly/2IEGl7J
via Latest Gujarati News