રેડની સિક્વલની હાલ કોઇ યોજના નથી

મુંબઇ તા.16  મે 2019 ગુરૂવાર

મોખરાના ફિલ્મ સર્જક રાજકુમાર ગુપ્તાએ કહ્યું હતું કે મારી સફળ ફિલ્મ રેડની સિક્વલ બનાવવાની હાલ મારી કોઇ યોજના નથી.

ઉત્તર પ્રદેશના એક માથાભારે નેતાજીના ઘરે ઇન્કમટેક્સની રેડ પાડવા ગયેલા હિંમતવાન ઇન્કમટેક્સ અધિકારીની બાયો-ફિલ્મ જેવી રેડમાં અજય દેવગણે મુખ્ય રોલ કર્યો હતો. જો કે બોક્સ ઑફિસ પર આ ફિલ્મે કોઇ મોટી ધાડ મારી નહોતી. ફિલ્મને મધ્યમ કહેવાય એવી સફળતા મળી હતી.ઔપરંતુ એટલા માત્રથી રાજકુમાર ગુપ્તા હતાશ થયા નથી. એમણે કહ્યું કે હું મારી સ્ટોરીલાઇનને બને તેટલી વાસ્તવિક રાખવા મથતો હોઉં છું. મનોરંજનનો મસાલો તો દરેક ફિલ્મમાં હોય. મારે તો દર્શકને વાસ્તવિકતાનો પરિચય કરાવવો હોય છે એટલે સભાનપણે કન્ટેન્ટ પર વધુ મદાર રાખું છું.

from Entertainment News - Gujarat Samachar : World's Leading Gujarati Newspaper http://bit.ly/2HlZHfV
via Latest Gujarati News