તખ્તમાં વીકીના રોલને વધુ મહત્ત્વ અપાયું ?

મુંબઇ તા.16  મે 2019 ગુરૂવાર

તાજેતરના ભૂતકાળમાં એક સાથે ચાર ચાર હિટ ફિલ્મો આપીને રાતોરાત સ્ટાર બની ગયેલા વીકી કૈૈાશલના ફિલ્મ તખ્તના રોલને વધુ સ્કોપ આપવા સ્ક્રીપ્ટમાં ફેરફાર થઇ રહ્યો હોવાની જાણકારી મળી હતી.

વીકી હાલ ન્યૂયોર્કમાં છે. ગુુરુવારે એનો ૩૧મો જન્મદિન હતો. એ બે સપ્તાહના જન્મદિન વેકેશન પર છે. કરણ જોહરની મહત્ત્વાકાંક્ષી મલ્ટિસ્ટાર મેગાબજેટ ફિલ્મ કલંક ફ્લોપ નીવડી એટલે તખ્તના શિડયુલમાં કેટલાક ફેરફાર કરાયા હોવાના અહેવાલ તાજેતરમાં પ્રગટ થયા હતા. એને ધર્માના પ્રવક્તાએ સ્પષ્ટ શબ્દોમાં રદિયો આપ્યો હતો. 

આ પ્રવક્તાએ કહ્યું એકાદ ફિલ્મ ધાર્યો બિઝનેસ ન કરે એટલે પોતાની અન્ય ફિલ્મોના શિડયુલ કે બજેટમાં ફેરફાર કરે એ કરણ સરના સ્વભાવમાં નથી. તખ્ત જે રીતે નક્કી થઇ હતી એ રીતે બની રહી છે.

એ જ રીતે કરણ જોહરે એવા અહેવાલોને પણ રદિયો આપ્યો હતો કે વીકી હવે સ્ટાર બની ગયો હોવાથી એના તખ્તમાંના રોલને રણવીર સિંઘ જેટલું જ મહત્ત્વ અપાયું છે. આ ફિલ્મ મુઘલ ઇતિહાસના એક પ્રકરણને રજૂ કરે છે. ઔરંગઝેબ અને એના ભાઇ દારા શિકોહની કથા આ ફિલ્મમાં વણી લેવામાં આવી છે. 

from Entertainment News - Gujarat Samachar : World's Leading Gujarati Newspaper http://bit.ly/2Yvflv1
via Latest Gujarati News