ડેવિડ લેટરમેનના શોમાં શાહરુખ દેખાશે

ન્યૂયોર્ક / મુંબઇ તા. 16  મે 2019 ગુરૂવાર

અમેરિકાનો લોકપ્રિય ટીવી એન્કર ડેવિડ લેટરમેન આ માસની આખરે બોલિવૂડના બેતાજ બાદશાહ શાહરુખ ખાનન એક ઇન્ટરવ્યૂ લેશે એવી સત્તાવાર જાહેરાત કરવામાં આવી હતી.

લેટરમેનના પ્રવક્તાએ કહ્યું હતું કે શાહરુખ ખાને આ ટીવી એન્કરને ઇન્ટરવ્યૂ આપવાની સંમતિ આપી હતી. સામા પક્ષે શાહરુખ ખાને પોતાના ટ્વીટર હેન્ડલ પર લખ્યું હતું, 'મુંબઇની જેમ જે કદી સૂતું નથી એવા અન્ય શહેરમાં જવાની તૈયારી કરી રહ્યો છું... મને ન્યૂયોર્ક આમંત્રી રહ્યું છે.. મારા માટે આ આનંદની વાત છે...' 

ડેવિડ લેટરમેનના શોમાં રજૂ થનારો શાહરુખ પહેલો ભારતીય વ્યક્તિ છે. સોશ્યલ મિડિયા પર શાહરુખના અને લેટરમેનના બંનેના ચાહકોએ આ જાહેરાતને બિરદાવી હતી. કેટલાકે એવો અભિપ્રાય વ્યક્ત કર્યો હતો કે આ તો બે સુપર સ્ટાર એક પ્લેટફોર્મ પર ભેગા થશે. બહુ  વિરલ ઘટના કહેવાય. 

લેટરમેને મોડી રાતના ટીવી શોને એકધારો વર્ષેા સુધી ચલાવ્યો હતો અને આ શો હિટ નીવડયો હતો. ૩૩ વર્ષની સફળ કારકિર્દી ધરાવતો લેટરમેન પોતે નિર્માતા, અભિનેતા, કોમેડિયન અને ટીવી હોસ્ટ તરીકે સફળ રહ્યો છે.

from Entertainment News - Gujarat Samachar : World's Leading Gujarati Newspaper http://bit.ly/2HkKTOG
via Latest Gujarati News