રિતિક રોશને ફોટોગ્રાફરને થેંક્સ કહ્યું

મુંબઇ તા.29 મે 2019 બુધવાર 

એશિયાના સૌથી સેક્સી પુરુષ ગણાતા મોખરાના અભિનેતા રિતિક રોશને તાજેતરમાં પોતાની નમ્રતાનો પુરાવો આપ્યો હતો. 

બન્યું એવું કે એ વાંદરા ઉપનગરમાં મહેબૂબ સ્ટુડિયોમાં શૂટિંગ કરી રહ્યો હતો. એ ત્યાં છે એની માહિતી મળતાં ડઝનબંધ પ્રેસ ફોટોેગ્રાફર્સ ત્યાં એકઠા થઇ ગયા હતા. જેવો રિતિક બહાર આવ્યો કે તરત કેમેરામાં ક્લીક થવા માંડયું હતું. રિતિકે શાંતિથી બધાને ફોટોગ્રાફ્સ લેવા દીધા હતા. 

ત્યારબાદ એણે એક ફોટોગ્રાફ સોશ્યલ મિડિયા પર શૅર કર્યો હતો અને જે ફોટોગ્રાફરે એ ફોટો લીધો હતો એને હાથ ઊંચો કરીને થેંક્સ પણ કહ્યું હતું. 

હાલ રિતિક પટણાના ગણિત શિક્ષક આનંદ કુમારની બાયો-ફિલ્મ સુપર ૩૦ કરી રહ્યો છે. આ ફિલ્મ જુલાઇની આખરમાં રજૂ થવાની છે. ત્યારબાદ એ ટાઇગર શ્રોફ સાથે સાજિદ નડિયાદવાલાની એક એક્શન ફિલ્મ કરવાનો છે.

 

from Entertainment News - Gujarat Samachar : World's Leading Gujarati Newspaper http://bit.ly/2EQZXC7
via Latest Gujarati News