વર્લ્ડ કપના રંગે રંગાયું ગૂગલ, બનાવ્યું ખાસ ડૂડલ

નવી દિલ્હી, 30 મે 2019, ગુરુવાર

આજથી આઈસીસી વર્લ્ડ કપ 2019નો પ્રારંભ થયો છે. ગુરુવાર અને 30 મેના રોજ પહેલો મેચ ઈંગ્લેંડ અને દક્ષિણ આફ્રિકા વચ્ચે રમાશે. આ મેચ સાથે જ વિશ્વભરમાં ક્રિકેટ ફીવર છવાઈ જશે. દુનિયાભરના ક્રિકેટ પ્રેમી ક્રિકેટના રંગે રંગાઈ જશે તેવામાં સર્ચ ઈંજન ગૂગલ પણ ક્રિકેટના રંગે રંગાયેલું જોવા મળે છે. ક્રિકેટના આ મહાકુંભના પ્રારંભે ગૂગલએ ખાસ ડૂડલ બનાવ્યું છે. 

આ ખાસ ડૂડલમાં સ્ટંપ અને બોલની મદદથી ગૂગલ લખવામાં આવ્યું છે. આ ડૂડલનું બેકગ્રાઉંડ બ્લેક છે અને તેમાં બોલર બોલ ફેંકતો, બેટ્સમેન બોલને ફટકારતો અને ફિલ્ડર બોલને કેચ કરતો જોવા મળે છે. આ ડૂડલ પર ક્લિક કરવાથી વર્લ્ડ કપના મેચોની જાણકારી પણ જોવા મળશે. સાથે જ મેચ અને સ્કોર અને ટીમ અંગે જરૂરી જાણકારી પણ અહીં જોવા મળશે. વર્લ્ડ કપમાં ભારતનો પહેલો મેચ 5 જૂને યોજાશે જે દક્ષિણ આફ્રિકા સામે હશે. 

વર્લ્ડ કપ 2019ની ટીમ

વિરાટ કોહલી ( કેપ્ટન ), રોહિત શર્મા ( વાઈસ કેપ્ટન ), શિખર ધવન, કેએલ રાહુલ, વિજય શંકર, એમએસ ધોની ( વિકેટકિપર ), કેદાર જાધવ, દિનેશ કાર્તિક, યુજવેંદ્ર ચહલ, કુલદીપ યાદવ, ભુવનેશ્વર કુમાર, જસપ્રીત બુમરાહ, હાર્દિક પંડ્યા, મો.શમી, રવીંદ્ર જાડેજા

ટીમ ઈન્ડિયાના મેચ

1. ભારત અને સાઉથ આફ્રિકા- 5 જૂન, સાઉથેમ્પ્ટન

2. ભારત અને ઓસ્ટ્રેલિયા - 9 જૂન, ધ ઓવલ

3. ભારત અને ન્યૂઝીલેન્ડ - 13 જૂન, ટ્રેંટ બ્રિજ

4. ભારત અને પાકિસ્તાન - 16 જૂન, ઓલ્ડ ટ્રૈફર્ડ

5. ભારત અને અફઘાનિસ્તાન - 22 જૂન સાઉથેમ્પ્ટન

6. ભારત અને વેસ્ટ ઈંડીઝ- 27 જૂન, ઓલ્ડ ટ્રૈફર્ડ

7. ભારત અને ઈંગ્લેંડ - 30 જૂન, એજબેસ્ટન

8. ભારત અને બાંગ્લાદેશ -  2 જુલાઈ, એજબેસ્ટન

9. ભારત અને શ્રીલંકા - 6 જુલાઈ, લીડ્સ

from Science technology News - Gujarat Samachar : World's Leading Gujarati Newspaper http://bit.ly/2QxcE9t
via Latest Gujarati News