સ્ટેન લીની આગામી ફિલ્મમાં આલ્બર્ટ શ્વાર્ત્ઝનેગર ચમકશે

લોસ એંજલ્સ તા.30 મે 2019 ગુરૂવાર

અનેક કોમેડી અને એક્શન ફિલ્મોના સર્જક સદ્ગત સ્ટેન લીની નર્સરીનાં બાળકો માટેની નવી એનિમેટેડ સિરિઝ સુપરહીરો કિન્ડરગાર્ટન માટે વિશ્વવિખ્યાત એક્શન સ્ટાર આલ્બર્ટ શ્વાર્ત્ઝનેગરને સાઇન કર્યો હોવાના અહેવાલ પ્રગટ થયા હતા.

ડેડલાઇન ડૉટ કોમના એક અહેવાલ મુજબ ગયા વર્ષના નવેંબરમાં ૯૫ વર્ષની વયે અવસાન પામતાં પહેલાં સ્ટેન લીએ હાથમાં લીધેલો આ છેલ્લો પ્રોજેક્ટ હતો. આલ્બર્ટ શ્વાર્ત્ઝનેગરની કંપની ઓક પ્રોડક્શન્સ, માર્વેલ્સ અને જિનિયસ બ્રાન્ડ ઇન્ટરનેશનલ પીઓડબલ્યૂ મળીને આ સિરિઝ તૈયાર કરશે. 

આર્નીના ટૂંકા નામે જાણીતા આ એક્શન હીરોએ કહ્યું કે સ્ટેન લીએ નર્સરીનાં બાળકો માટે તૈયાર કરેલી આ સિરિઝ સાથે જોડાવાનું ગૌરવ મને મળ્યું છે એનો મને ખૂબ આનંદ છે અને સદ્ગત લીના આ શમણાને સાકાર કરવાના પ્રયાસોમાં હું પણ મારું પ્રદાન કરીશ. મને આ પ્રોજેક્ટ સાથે જોડાવાનો અનેરો આનંદ છે. અત્યાર અગાઉ મેં પુખ્ત વયના લોકો માટે ઘણી ફિલ્મો કરી, ઘણી એક્શન અને ઘણાં સ્ટંટ કર્યા. સાવ કૂમળી વયનાં બાળકો માટે પહેલીવાર કામ કરવાની તક મને લીના કારણે મળી છે.  

from Entertainment News - Gujarat Samachar : World's Leading Gujarati Newspaper http://bit.ly/2EIW2XF
via Latest Gujarati News