મુંબઇ પાેલીસે ફિલ્મી 'આતંકવાદી' ઝડપ્યા

મુંબઇ તા.30 મે 2019 ગુરૂવાર

મુંબઇ પોલીસે ઉપનગર પાલઘરમાં ફરી રહેલા 'આતંકવાદીઓ'ને ઝડપી લીધા હતા અને પૂછપરછ દરમિયાન જાણવા મળ્યું હતું કે એ તો મોખરાના અભિનેતા રિતિક રોશનની એક ફિલ્મના એક્સ્ટ્રા કલાકારો હતા.

સાજિદ નડિયાદવાલાની આગામી એક્શન ફિલ્મમાં રિતિક રોશન અને ટાઇગર શ્રોફ ચમકવાના છે એ હકીકત હવે તો સૌ કોઇ જાણે છે. આ ફિલ્મમાં આતંકવાદી તરીકે કામ કરી રહેલા કેટલાક એક્સ્ટ્રા કલાકારો ફિલ્મી આતંકવાદીઓના પોષાક અને મેકપમાં નગરમાં ઘૂમી રહ્યા હતા. બોર્ડર સિક્યોરિટી ફોર્સ સાથે કામ કરી ચૂકેલા અને હાલ એક બેંકના વૉચમેન તરીકે કામ કરતા અનિલ મહાજને એમને સીસીટીવી પર જોયા હતા અને તરત પોલીસને જાણ કરી હતી. 

પોલીસે એમને ઝડપી લીધા હતા. પૂછપરછ દરમિયાન એમણે પોતે ફિલ્મના કલાકારો હોવાનું કહેતાં પોલીસે તપાસ કરી હતી ત્યારે વાત સાચી લાગતાં એમને ચેતવણી આપીને જતાં કર્યા હતા.

પોલીસે બેંક ચોકીદારને એની સતર્કતા માટે બિરદાવ્યો હતો.

from Entertainment News - Gujarat Samachar : World's Leading Gujarati Newspaper http://bit.ly/2W2VNwl
via Latest Gujarati News