મહિલાના પેટમાંથી નીકળ્યા 1.5 કિલો દાગીના અને 90 સિક્કા

બેંગાલુરુ, તા. 25 જુલાઈ 2019 ગુરુવાર

પશ્ચિમ બંગાળમાં ચોંકાવનારો કિસ્સો સામે આવ્યો છે. ડૉક્ટરોએ એક મહિલાના પેટમાંથી 1.5 કિલો દાગીના અને 90 સિક્કા નીકાળ્યા. પશ્ચિમ બંગાળની વીરભૂમિના સરકારી હોસ્પિટલમાં ઑપરેશન કરીને મહિલાના પેટમાંથી બધુ જ કાઢી દેવાયુ.

મહિલા માનસિક રીતે અસ્થિર હતી. મહિલા ચોરી કરીને ઘરેણા ખાઈ જતી હતી જ્યારે ડૉક્ટરોએ ઑપરેશન કરીને ઘરેણા બહાર નીકાળવાનુ શરૂ કર્યુ તો તેમની આંખો પહોળી થઈ ગઈ.

વીરભૂમિના રામપુરહાટના સરકારી મેડીકલ કોલેજ અને હોસ્પિટલમાં 26 વર્ષની મહિલાને પેટમાં દુખાવાની ફરિયાદ બાદ હોસ્પિટલમાં દાખલ કરવામા આવ્યા. 

સર્જરી વિભાગના પ્રમુખ સિદ્ધાર્થ વિશ્વાસે જણાવ્યુ કે મહિલાનું ઑપરેશન કરવામાં આવ્યુ છે. જે બાદ તેમના પેટમાંથી 5 અને 10 રૂપિયાના 90 સિક્કા નીકાળવામાં આવ્યા. પેટમાંથી 1.52 કિલો ઘરેણા જપ્ત કરાયા છે. આમાંથી વધારે દાગીના તાંબા અને પિત્તળના બનેલા છે, પરંતુ કેટલાક સોનાના પણ છે.

from National News - Gujarat Samachar : World's Leading Gujarati Newspaper https://ift.tt/2yaee9e
via Latest Gujarati News