બે કેળાના 442 રુપિયા બિલ વસૂલનારી ફાઈવસ્ટાર હૉટેલને ૨૫ હજારનો દંડ

મુંબઈ, તા. 28 જુલાઇ, 2019, રવિવાર

અભિનેતા રાહુલ બોસને બે કેળાનું ૪૪૨ રુપિયા બિલ મોકલનારી પ્રસિદ્ધ ફાઈવસ્ટાર હૉટેલને ઉત્પાદન શુલ્ક વિભાગ (એક્સાઈઝ એન્ડ ટેક્સેસન ડિપાર્ટમેન્ટ) એ સીજીએસટી સેક્શન ૧૧ નિયમનું ઉલ્લંઘન કરવા બદ્દલ ૨૫ હજારનો દંડ ફટકાર્યો છે. 

શહેરની એ ફાઈવસ્ટાર હૉટેલમાં બે કેળાં ૪૪૨ રુપિયાના મળતાં હોવાનું અભિનેતા રાહુલ બોસે ટ્વિટ કર્યા બાદ તેની ગંભીર નોંધ લઈ ચંદિગઢના સંબંધિત વિભાગના ઉપાયુક્ત મનદીપ સિંઘ બ્રારે આ પ્રકરણે તપાસ કરવાનો આદેશ આપ્યો હતો.

એક ચિત્રપટના શૂટિંગ માટે રાહુલ ચંડિગઢમાં હોઈ તે પંચતારક હૉટેલમાં રોકાયો હતો. જિમમાં વ્યાયામ કર્યા બાદ તેણે હૉટેલમાં બે કેળાનો ઓર્ડર આપ્યો હતો. હૉટેલે આ બંને કેળાની કિંમત જીએસટી સાથે કુલ ૪૪૨ રુપિયા લગાડી બિલ આપતાં રાહુલ હેબતાઈ ગયો હતો. ત્યારબાદ સોશિયલ મીડિયાના માધ્યમે તેણે આ પ્રકરણ ઉઘાડું પાડયું હતું.

from National News - Gujarat Samachar : World's Leading Gujarati Newspaper https://ift.tt/2Moct0q
via Latest Gujarati News