પરિણિતી બાદ રાણા દગ્ગુબાટીએ પણ અજય દેવગણની ફિલ્મ છોડી

મુંબઇ,તા. 10 જાન્યુઆરી 2020, શુક્રવાર

અજય  દેવગણની આગામી ફિલ્મ 'ભુજ: ધ પ્રાઇડ ઓફ ઇન્ડિયા'હવે  હાલ પરિણિતી ચોપરા નીકળી ગઇ  હતી. જોકે એના સ્થાને નોરા ફતેહીને ગોઠવી દેવામાં આવી છે. હવે વધુ એક કલાકારે આ ફિલ્મ છોડી દેવાની ચર્ચા છે. રાણા દગ્ગુબાટીએ આ ફિલ્મ છોડી દેવાનો નિર્ણય કર્યો છે. 

રાણા દગ્ગુબાટી આ ફિલ્મમાં મદ્રાસ  રેજિનન્ટના  કર્નલની લેફ્ટનન્ટ કર્નલની ભૂમિકામાં જોવા મળવાનો હતો. પરંતુ હવે મળેલી બાતમી અનુસાર, રાણાએ પોતાના સ્વાસ્થ્ય સંબંધી ચિંતાઓને કારણ આ ફિલ્મ છોડવાનો નિર્ણય લીધો છે. એક રિપોર્ટના અનુસાર, ફિલ્મમાં રાણાએ ઘણા હાઇ ઓકેટેન એકશન સીન્સ પરફોર્મ કરવાના હતા.નિર્માતાઓએ અને અજયે રાણાને ફિલ્મમાં રાખવા માટે સંભવિત વિકલ્પા શોધ્યા હતા, જેવા કે ડબલ બોડીનો સહારો લેવાનું તેમાં સામેલ હતું. પરંતુ વાત બની નહીં. અંતે રાણાએ ફિલ્મ સર્જકની સહમતી સાથે ફિલ્મ છોડવાનો  ફેંસલો લીધો છે. 

જોકે એક વાત એ પણ છે કે, રાણા પાસે આ ફિલ્મ માટે તારીખો ન હોવાથી આ પગલું લીધું છે. પહેલા આ ફિલ્મનું શેડયુલ ઓકટોબરમાં હતું. પરંતુ સંજોગવશાત મોડું થતા હવે આવતા મહિને થવાનું છે. રાણા દગ્ગુબાટી હાલ પોતાની આગામી ફિલ્મ 'હિરણ્યકશ્યપ'માં વ્યસ્ત હોવાથી હવે અજય દેવગણની ફિલ્મ માટે સમય આપી શકે એમ નથી. 

from Entertainment News - Gujarat Samachar : World's Leading Gujarati Newspaper https://ift.tt/308J1Al
via Latest Gujarati News