શાહરૂખ જલદી પોતાની આગામી ફિલ્મની ઘોષણા કરે તેવી શક્યતા

મુંબઇ,તા. 17 જાન્યુઆરી 2020, શુક્રવાર

શાહરૂખ ખાનની ૨૦૧૮માં રિલીઝ થયેલી ફિલ્મ 'ઝીરો'ની નિષ્ફલતા પછી તેણે એક પણ ફિલ્મ સાઇન કરી નથી. પરંતુ હવે લાગે છે કે, અભિનેતા જલદી જ પોતાની આગામી  ફિલ્મની ઘોષણા કરવાનો છે. કહેવાય છે કે, શાહરૂખે સ્ક્રિપ્ટ લોક કરી દીધી છે અને આવતા બે મહિનામાં જ સત્તાવાર રીતે ફિલ્મની ઘોષણા કરશે. 

મળેલા રિપોર્ટને સાચો માનીએ તો, શાહરૂખ ખાનની આગામી ફિલ્મ રાજકુમાર હિરાણી સાથે હશે. તેણે સ્ક્રિપ્ટ સાંભળી છે અને પસંદ પડતાં લોક કરી દીધી છે. આ ફિલ્મનું શૂટિંગ એપ્રિલમાં શરૂ થાય તેવી શક્યતા છે. 

અફવાઓન ા અનુસાર શાહરૂખે  એક વરસમાં કેટલાય  નિર્માતા અન ે દિગ્દર્શકો  સાથે મુલાકાત કરી છે. એમાંથી  તેને ફક્ત ત્રણ સ્ક્રિપ્ટ પસંદ પડી છે. આ  દિગ્દર્શકોમાં  સાઉથના  ફિલ્મસર્જક  એટલી, રાજકુમાર  હિરાણી અને અલી  અબ્બાસ જફરના નામ  બોલાઇ  રહ્યા છે. કહેવાય છે કે, કિંગ ખાનને હિરાનીની ફિલ્મમાં વધુ રસ પડયો છે. 

શાહરૂખ આ ફિલ્મનું શૂટિંગ એપ્રિલ સુધીમાં શરૂ કરે તેવી શક્યતા છે. આ ફિલ્મ આ વરસના અંતમા અથવા તો ૨૦૨૧માં રિલીઝ થાય તેવી શક્યતા છે. 

રાજ કુમાર હિરાણી અને શાહરૂખ કેટલાય સમયથી સાથે કામ કરવા ઇચ્છતા હતા. પરંતુ વાત બનતી નહોતી. હિરાણીએ  ફિલ્મ ' મુન્નાભાઇ, થ્રી  ઇડિયટસ માટે શાહરૂખનો સંપર્ક કર્યો હતો. પરંતુ તારીખોની સમસ્યાને કારણે આ તે આ ફિલ્મોનો હિસ્સો બની શક્યો નહોતો. 

from Entertainment News - Gujarat Samachar : World's Leading Gujarati Newspaper https://ift.tt/2NAHfD5
via Latest Gujarati News