અંતરીક્ષમાં ઉપગ્રહને ઊડાવી દેવાની ક્ષમતા ‘મિશન શક્તિ’

 લખનઉ તા.8  ફેબ્રુઆરી 2020 શનિવાર

ઉત્તર પ્રદેશના લખનઉમાં હાલ ચાલી રહેલા ડિફેન્સ એક્સપો 2020માં આવનારા દરેક મુલાકાતીનું આકર્ષણ મિશન શક્તિ બની છે.

ભારતીય અવકાશ વિજ્ઞાનીઓએ દિવસરાત એક કરીને મેળવેલી આ સિદ્ધિ વિશે જાણવા જેવું છે. આ મિશન શક્તિ ભવિષ્યમાં થનારા યુદ્ધોમાં અનિવાર્ય રીતે ઉપયોગી પડે એવું શસ્ત્ર છે. 

અંતરીક્ષમાં કોઇ ઉપગ્રહને ઊડાવી દેવાની ક્ષમતા આ મિશન શક્તિ ધરાવે છે. આ શક્તિ વિશે જાણીને જગત જમાદાર અમેરિકાની નાસા સંસ્થાએ પણ ચિંતા વ્યક્ત કરી હતી. મિશન શક્તિનુ્ં એક મોડેલ  અહીં ચાલી રહેલા ડિફેન્સ એક્સપો 2020માં રજૂ કરાયું હતું.

આ એક્સપોનું ઉદ્ઘાટન વડા પ્રધાન નરેન્દ્ર મોદીએ કર્યું હતું.

ડિફેન્સ ડેવલપમેન્ટ એન્ડ રિસર્ચ ઓર્ગેનાઇઝેશન (ડીઆરડીઓ)ના એક અવકાશ વિજ્ઞાની આર સાહુએ આ વિશે બોલતાં કહ્યું કે અત્યાર અગાઉ આવી શક્તિ માત્ર અમેરિકા, રશિયા અને ચીન પાસે હતી. હવે ભારત પાસે પણ આવી શક્તિ આવી ગઇ છે. આમ આ શસ્ત્ર ધરાવતો ભારત દુનિયાનો ચોથો દેશ બન્યો હતો. 

ભારતના સંરક્ષણ ખાતાની આ એક અનેરી સિદ્ધિ છે. માત્ર ત્રણ માસમાં આ મિશન શક્તિ તૈયાર કરાયું હતું.

from National News - Gujarat Samachar : World's Leading Gujarati Newspaper https://ift.tt/374sJKt
via Latest Gujarati News