અમિતાભ બચ્ચનને અજય દેવગણ ડાયરેક્ટ કરશે

(પ્રતિનિધિ દ્વારા) મુંબઇ, તા.07 નવેમ્બર 2020, શનિવાર

અજય દેવગણ અને અમિતાભ બચ્ચન છેલ્લે સાત વરસ પહેલા પ્રકાશ ઝાની ફિલ્મ સત્યાગ્રહમાં કામ કર્યું હતું. હવે અજય દેવગણ અમિતાભ બચ્ચનને આગામી ફિલ્મમાં ડાયરેક્ટ કરવાનો છે. એટલું જ નહીં અજય પણ આ ફિલ્મમાં પાયલટ રોલમાં જોવા મળશે. જેનું શૂટિંગ હૈદરાબાદમાં ડિસેમ્બરમાં શરૂ કરશે. 

અજય અને અમિતાભ આ પહેલા મેજર સાહેબ, ખાકી અને   સત્યાગ્રહમાં સાથે જોવા મળ્યા છે. હવે આ બન્ને અભિનેતાની સાથે ચોથી ફિલ્મ છે. 

ફિલ્મ શિવાય પછીની અજયની આ બીજી દિગ્દર્શિત ફિલ્મ હશે. અજયની શિવાયએ બોક્સ ઓફિસ પર એવરેજ કલેકશન કર્યું હતું. ફિલ્મ  ભુજમાં પણ અજય દેવગણ ઇન્ડિયન એરફોર્સના પાયલોટના પાત્રમાં જોવા મળવાનો છે. 

આ પહેલા અજયએ અમિતાભના પ્રોડકશનમાં બનેલી ફિલ્મ મેજર સાબના પણ થોડા દ્રશ્યો ડાયરેક્ટ કર્યા હતા. વાસ્તવમાં એ વખતે અમિતાભ અને દિગ્દર્શક ટીનૂ આનંદ સાથે અમિતાભને વાંધો પડયો હતો પરિણામે ડાયરેકટરે ફિલ્મ છોડી દીધી હતી. અમિતાભ માટે આ ફિલ્મ બહુ જરૂરી હોવાથી અજયએ આ ફિલ્મ ડાયરેક્ટ કરી હતી. 

from Entertainment News - Gujarat Samachar : World's Leading Gujarati Newspaper https://ift.tt/358IeDF
via Latest Gujarati News