-આશાજીએ રાખી સાવંત માટે આઇટમ ગીત ગાયું

મુંબઇ તા.18 મે 2019 શનિવાર

 આવરદાના નવમા દાયકામાં પણ સક્રિય સિનિયર ગાયિકા આશા ભોંસલેેએ તાજેતરમાં રાખી સાવંત માટે એક આઇટમ સોંગ ગાયું હોવાની જાણકારી મળી હતી.

આ ગીત પર રાખી સાવંત ડાન્સ કરવાની છે. આ ગીતની વધુ માહિતી આપતાં પ્રવક્તાએ કહ્યું કે રાખી કશ્મીરી યુવાનોને જિહાદી આતંકવાદ તરફ દોરી જતી પાકિસ્તાની યુવતીનો રોલ કરે છે. આ યુવતી નૌટંકીની ડાન્સર છે અને કશ્મીરી યુવાનોને પોતાની તરફ આકર્ષીને આતંકવાદી બનાવવાનું કામ કરે છે.

આશાજીએ માત્ર એક કલાકમાં ગીત રેકોર્ડ કર્યું હતું. આ ગીતમાં હિન્દી ઉપરાંત થોડી ઊર્દૂ, થોડી અરબી અને થોડી ફારસી ભાષાનો પ્રયો ગ કરવામાં આવ્યો છે.

રાખીએ સોશ્યલ મિડિયા પર આશા ભોંસલે સાથેનો પોતાનો એક ફોટોગ્રાફ શૅર કર્યો હતો અને આ ગીતની વાત કરી હતી.  આ ગીત ફિલ્મ કશ્મીર ધારા ૩૭૦ માટે રેકોર્ડ કરવામાં આવ્યું હતું. અન્ય એક ફોટોગ્રાફમાં રાખી પોતે પાકિસ્તાની રાષ્ટ્ર ધ્વજ પોતાની છાતી સાથે લગાડીને બેઠી છે એવું જોઇ શકાતું હતું. આ ફિલ્મના ડાયરેક્ટર રાકેશ સાવંત છે.

from Entertainment News - Gujarat Samachar : World's Leading Gujarati Newspaper http://bit.ly/2w7u43a
via Latest Gujarati News