મુંબઈ હુમલાના મોસ્ટ વોન્ટેડ આતંકીની પાકમાં ધરપકડ

ઈસ્લામાબાદ, તા. 15. મે, 2019 બુધવાર

મુંબઈ હુમલાના માસ્ટર માઈન્ડ ગણાતા અબ્દુલ રહેમાન મક્કીની પાકિસ્તાનમાં ધરપકડ કરવામાં આવી છે.તે  પાકિસ્તાનના આતંકવાદી સંગઠન જમાત ઉદ દાવાના આકા હાફિઝ સઈદનો નિકટનો સબંધી પણ છે.

પાકિસ્તાની ન્યૂઝ ચેનલના અહેવાલ પ્રમાણે અબ્દુલ રહેમાન મક્કી જમાત ઉદ દાવાની ચેરિટી પાંખ ફલાહ-એ-ઈન્સાનિયતનો પ્રભારી પણ છે.

અબ્દુલ મક્કીની પાક સરકારની ટીકા કરવા બદલ અને ધૃણાસ્પદ નિવેદન આપવા બદલ ધરપકડ કરવામાં આવી છે.ફલાહ-એ-ઈન્સાનિયત પર તાજેતરમાં જ પંજાબ પ્રાંતની સરકાર પ્રતિબંધ લલગાવી ચુકી છે.જેના ભાગરુપે કરાયેલી કાર્યવાહીમાં આજે મક્કીની પણ ધરપકડ કરાઈ છે.

મુંબઈ હુમલા પાછળ મક્કીનુ ભેજુ પણ હતુ.તેને આ હુમલા બાદ ભારત સરકારે મોસ્ટ વોન્ટેડ આતંકી જાહેર કર્યો હતો.

અગાઉ તે ભારતના પીએમ નરેન્દ્ર મોદીને કાશ્મીરને આઝાદી અપાવવાના મુદ્દે ચેલેન્જ પણ આપી ચુક્યો છે.તેના પર 20 લાખ ડોલરનુ ઈનામ જાહેર કરાયુ છે.

પાકિસ્તાને ફલાહ એ ઈન્સાનિયત સહિતની સંસ્થાઓ સામે કાર્યવાહી કરવાનો દેખાડો કર્યો છે.આ સંસ્થાઓની 500 થી વધુ પ્રોપર્ટી અત્યાર સુધી ટાંચમાં લેવાનો દેખાડો પાકિસ્તાને કર્યો છે.

from International News - Gujarat Samachar : World's Leading Gujarati Newspaper http://bit.ly/2YrhmbG
via Latest Gujarati News