તને દુઃખે છે ને, લાવ બામ લગાડી દઉં...

મુંબઇ તા.18 મે 2019 શનિવાર

 મેગાસ્ટાર અમિતાભ બચ્ચને તાજેતરમાં પોતાના બ્લોગ પર એક યાદગાર તસવીર શૅર કરી હતી. તસવીર સાથે પહેલાં પોતાના ફેન્સને પૂછ્યું હતું, આ બેબીને ઓળખો છો કે ?

ત્યારબાદ પોતેજ એનો પરિચય આપતાં લખ્યું હતું કે આ કરોડોની માનીતી અભિનેત્રી કરીના કપૂર છે. ૧૯૮૩માં અમારી ફિલ્મ પુકાર બની રહી હતી ત્યારે એ પોતાના પપ્પા સાથે સેટ પર આવી હતી. એને પગમાં ઇજા થઇ ત્યારે મેં બામ લગાડી આપીને એની પીડા ઓછી કરવાનો પ્રયાસ કર્યો હતો.

આ ફિલ્મમાં અમિતાભ બચ્ચન, ઝીનત અમાન અને રણધીર કપૂર ચમક્યાં હતાં. રણધીર કપૂર સાથે કરીના સેટ પર ગઇ હતી. એને થોડીક ઇજા થઇ હતી એટલે એ અપસેટ હતી ત્યારે અમિતાભે એને પાટાપીંડી કરીને રાહત આપવાનો પ્રયાસ કર્યો હતો. એ તસવીર અમિતાભે પોતાના બ્લોગ પર મૂકી ત્યારે એના અનેક ફેન્સે આ ફોટોગ્રાફને બિરદાવ્યો હતો. 

અમિતાભ સતત પોતાના ચાહકો સાથે બ્લોગ દ્વારા સંપર્કમાં રહે છે અને રોજબરોજની કેટલીક વાતો ચાહકો સાથે શૅર કરે છે.

from Entertainment News - Gujarat Samachar : World's Leading Gujarati Newspaper http://bit.ly/2WPpUJd
via Latest Gujarati News