સલમાન સામે બોલવાની હિંમત કરનાર આ ગાયિકાને મળી જાનથી મારવાની ધમકી

નવી દિલ્હી, તા 29 મે 2019, બુધવાર

બોલીવૂડમાં ભાગ્યે જ કોઈ એવુ હશે જે સલમાનખાનના વિરોધમાં જાહેરમાં કશું બોલે. આવામાં બોલીવૂડ સિંગર સોના મહાપાત્રાએ થોડા દિવસ પહેલા જાહેરમાં દબંગ ખાનની ટીકા કરી હતી.

સોના મહાપાત્રાએ  આગામી ફિલ્મ ભારત છોડી દેવા બદલ પ્રિયંકા ચોપરા સામે વારંવાર નિવેદન આપનાર સલમાનખાનનો વિરોધ કર્યો હતો.

જોકે સલમાનખાનના ફેન્સ હવે સોના મહાપાત્રાને સલમાનનો વિરોધ કરવા બદલ ટ્રોલ કરી રહ્યા છે. સોના મહાપાત્રાએ પોતે જ આ વાતની જાણકારી આપતા કહ્યુ છે કે, એક ટ્રોલરે મને ઘરમાં ઘુસીને જાનથી મારી નાંખવાની ધમકી આપી છે. આવા મેસેજો મને નિયમિત પણે મળતા રહે છે અને તે પણ આવા હીરોના ફોલોઓર્સ તરફથી, સલમાનખાન તરફથી તેના ફોલોઅર્સને આવા મેસેજ મોકલવાની પ્રેરણા મળતી લાગે છે.

સોનાને આ પ્રકારની ધમકીઓ એટલે મળી રહી છે કે, તેણે પ્રિયંકા માટે લખ્યુ હતુ કે, પ્રિયંકા પાસે જિંદગીમાં કરવા જેવુ ઘણુ છે. સોના એમ પણ પોતાના બિન્દાસ્ત નિવેદનો માટે જાણીતી છે.

from Entertainment News - Gujarat Samachar : World's Leading Gujarati Newspaper http://bit.ly/2wAeTA1
via Latest Gujarati News